റഷ്യയിലാണ് സംഭവം അരങ്ങേറിയത്. പേം പോളിടെക്‌നിക് യൂണിവേഴ്‌സിറ്റിയിലെ സിസിടിവി ഫൂട്ടേജിലാണ് ഈ ദൃശ്യങ്ങള്‍ പതിഞ്ഞത്. പ്രൊമോബോട്ട് എന്ന ഒരു സ്വയം നിയന്ത്രിത റോബോട്ടാണ് ഒരു ഷെല്‍ഫില്‍ വലിഞ്ഞു കയറിയ കുട്ടിയെ അത് ശരീരത്തിന് മുകളിലൂടെ വീഴുന്നതിന് മുന്‍പ് തടഞ്ഞ് നിര്‍ത്തുകയായിരുന്നു.

ഈ റോബോട്ടിന്റെ സൃഷ്ട്ടാക്കളായ ഒലെഗ് കുവോകുര്‍ട്ട്‌സ്വ എന്ന വ്യക്തി അവകാശപ്പെടുന്നത് ഇത്തരത്തിലുള്ള പ്രവര്‍ത്തികള്‍ ചെയ്യുന്നതിനുള്ള പ്രോഗ്രാമുകളെന്നും റോബോട്ടില്‍ ഉള്‍ക്കൊള്ളിച്ചിട്ടില്ല എന്നാണ്.ഇത് ആദ്യമായല്ല പ്രൊമോബോട്ട് വാര്‍ത്തകളില്‍ ഇടം നേടുന്നത്. ടെസ്റ്റിങ് സൈറ്റില്‍ നിന്നും മുങ്ങി നടന്നതും കുഴപ്പിക്കുന്ന ചോദ്യങ്ങളില്‍ ഉത്തരം നല്‍കുന്നതും ഈ കുറുമ്പന്‍ റോബോട്ടിന്റെ ചില നമ്പരുകളാണ്.