തലയുടെ എക്സ്റേയില് തെളിഞ്ഞത് ശിവലിംഗം; എക്സറേ ഫിലിം പ്രതിഷ്ഠയാക്കി വീട്ടില് ക്ഷേത്രം പണിതു: സംഭവം ആലപ്പുഴയില്
ആലപ്പുഴ ജില്ലയില് പട്ടണക്കാട് മേനാശേരിയിലെ സ്വാമിയുടെ തലയുടെ എക്സ്റേ എടുത്തപ്പോള് തെളിഞ്ഞതു ശിവലിംഗമാണത്രേ. തലയില് ശിവലിംഗം വന്ന സ്വാമിക്കു ദൈവമാകാനാണോ പാട്. സ്വന്തം വീടിന്റെ രണ്ടാംനില ശിവയോഗി സ്വാമി ക്ഷേത്രമാക്കി. പ്രതിഷ്ഠ; സംശയംവേണ്ട, ആ എക്സ്റേ ഫിലിം തന്നെ !.
ഭക്തര് പ്രതിഷ്ഠയായ എക്സ്റേ നോക്കി പ്രാര്ഥിക്കണം. തന്റെ തലയുടെ എക്സറേ ഫിലിമില് സമര്പ്പിച്ചാല് ഭക്തന്റെ സര്വ്വ വ്യാധികള്ക്കും ശമനമുണ്ടാകും എന്നാണ് സ്വാമി ഭക്തരെ ഉപദേശിക്കുന്നത്. ആയിരക്കണക്കിനാണു സ്വാമിയുടെ ഭക്തര്.
ഇടയ്ക്കിടക്ക് ഭക്തരെ കൈകൊണ്ട് അടിക്കും. അതാണു സ്വാമിയുടെ രീതി. ഭക്തരേറെയും ആലപ്പുഴ ജില്ലയ്ക്കു പുറത്താണ്. ദര്ശനം വേണമെങ്കില് മുന്കൂട്ടി അനുവാദം വേണം. ഭക്തന്റെ വിവരശേഖരണത്തിലൊക്കെ സ്വാമി പക്കാ ആണ്.
ഓരോ ഭക്തന്റെയും പൂര്ണവിവരങ്ങള് തന്റെ രജിസ്റ്ററ്റില് കുറിച്ചുവച്ച് ഓരോരുത്തര്ക്കും രജിസ്റ്റര് നമ്പരും കൊടുത്തിട്ടുണ്ട്. ഫോണിലൂടെ സ്വാമിയോട് സംസാരിക്കുമ്പോള് ഈ നമ്പര് നിര്ബന്ധമായും പറയണം. റിയല് എസ്റ്റേറ്റ്, ട്രാവല്സ് എന്നീ ഇടപാടുകളും സ്വാമിക്കുണ്ട്. പണ്ട് കാഥികനായിരുന്നുവെന്നും നാട്ടുകാര് പറയുന്നു.
https://www.facebook.com/Malayalivartha
