ടോം ആന്‍ഡ് ജെറി എന്ന പ്രശസ്തമായ കാര്‍ട്ടൂണ്‍ പരമ്പര കാണുന്ന ഏവരും വിശ്വസിക്കുന്ന ഒരു കാര്യമുണ്ട്,എലിയെ പിടിക്കാന്‍ ഏറ്റവും യോചിച്ച ആയുധം പൂച്ചയാണെന്ന്. പക്ഷെ ഇവിടെ പൂച്ചയുമായി അങ്കത്തിന് ഇറങ്ങിത്തിരിച്ച യുവാവിന് പറ്റിയത് നേരെ തിരിച്ചാണ്.

വീഡിയോ ദൃശ്യങ്ങളില്‍ കാണിക്കുന്നത് പ്രകാരം തന്റെ മൊബൈല്‍ ക്യാമറ ബാത്‌റൂമിലെ ഒരു കോണില്‍ വെച്ച ശേഷം ഒരു പ്ലാസ്റ്റിക് ചൂലുമായി എലി ഒളിച്ചിരിക്കുന്ന സ്ഥലത്തേക്ക് പോകുകയാണ് യുവാവ്. പൂച്ചയെ ആ സ്ഥാനത്തേക്ക് കക്ഷി തള്ളി വിട്ടിട്ടുണ്ട്. എന്നാല്‍ സംഭവിച്ചതോ...പൂച്ചയെ വിരട്ടിയോടിക്കുകയാണ് എലി. കൂട്ടത്തില്‍ യുവാവും പേടിച്ച് അലറി ചാഞ്ചാട്ടമായി.

ഒടുവില്‍ ഒരുവിധം ഡോര്‍ തുറന്ന് വെളിയിലിറങ്ങി അടച്ചു. പിന്നെയും അമളി പറ്റി. പൂച്ച കതകിനിടയിലായി.

സോഷ്യല്‍ മീഡിയയില്‍ നിരവധിപേരാണ് ഈ വീഡിയോ കണ്ടിട്ടുള്ളത്. വീഡിയോ ഒറിജിനലാണോ അതോ ഇയാള്‍ റെക്കോര്‍ഡ് ചെയ്ത് ഉണ്ടാക്കിയ തിരക്കഥയാണോ എന്ന സംശയത്തിലാണ് സോഷ്യല്‍മീഡിയയിലെ വിദഗ്ദര്‍.