വാഹനപ്രേമികള്‍ എന്നും അതിശയത്തോടെ മാത്രം നോക്കിക്കാണുന്ന വാഹനമാണ് ലംബോര്‍ഗിനി. ഇന്ത്യന്‍ തുകയനുസരിച്ച ഏകദേശം അഞ്ച് കോടിയോളം രൂപയാണ് ഈ സൂപ്പര്‍കാറുകള്‍ക്ക് വില.

അല്‍പ്പം പൊടിപോലും പറ്റാതെ പൊന്നുപോലെ കൊണ്ടുനടക്കുന്ന ഈ വാഹനത്തിന് മുകളിലൂടെ ഒരാള്‍ ഓടിയാല്‍ ഉടമ വെറുതെ കണ്ടുനില്‍ക്കുമോ?

യുഎസ് സ്‌റ്റേറ്റായ സാന്‍ഫ്രാന്‍സിസ്‌കോയില്‍ വച്ചാണ് ഇത്തരത്തിലൊരു സംഭവം. റോഡരികില്‍ നിര്‍ത്തിയിട്ടിരുന്ന കാറിന്റെ മുകളിലൂടെ ഒരാളോടുകയായിരുന്നു. പിന്നാലെ ഓടിയിട്ടും ഉടമയ്ക്ക് ഇയാളെ പിടികൂടുന്നതിന്  സാധിച്ചിരുന്നില്ല.

എന്നാല്‍ അയാള്‍ തിരികെ എത്തി ഒന്നുകൂടി കാറിനു മുകളില്‍ കയറാന്‍ ശ്രമിച്ചപ്പോഴാണ് ഉടമ പിടികൂടിയത്. പിന്നെ നിലത്തേക്ക് വലിച്ചിട്ട് ഒരു പെരുമാറ്റമായിരുന്നു! ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലായി മാറിയിരിക്കുകയാണ്.