മൊബൈല്‍ ഫോണ്‍ പൊട്ടിത്തെറിക്കുന്ന സംഭവം അടുത്തിടെയായി ഒരുപാട് റിപ്പോര്‍ട്ട് ചെയ്തിട്ടുണ്ട്. ഇപ്പോള്‍ ഇതാ ആ പ്രശ്‌നം വീണ്ടും ഉണ്ടായിക്കൊണ്ടിരിക്കുകയാണ്. പശ്ചിമ ബംഗാളില്‍ യുവാവിന്റെ ഷര്‍ട്ടിന്റെ പോക്കറ്റില്‍ ഇരുന്ന് മൊബൈല്‍ ഫോണ്‍ പൊട്ടിത്തെറിച്ചു. ഞെട്ടിക്കുന്ന ദൃശ്യങ്ങള്‍ സിസിടിവിയില്‍ പതിഞ്ഞു. മിഡ്‌നാപ്പുരിലാണ് സംഭവം.

ഫോണ്‍ പൊട്ടിത്തെറിച്ച ദൃശ്യങ്ങള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്. പാനസോണിക് കമ്പനിയുടെ ആന്‍ഡ്രോയ്ഡ് ഫോണ്‍ ആണ് പെട്ടിത്തെറിച്ചത്.

കടയില്‍ ഇരിക്കുകയായിരുന്ന യുവാവിന്റെ പോക്കറ്റില്‍ നിന്ന് പുക പടരുന്നത് കണ്ട് പെട്ടെന്ന് തന്നെ ഫോണ്‍ എടുത്തുമാറ്റി കളയുകയും ഷര്‍ട്ട് ഊരുകയും ചെയ്തതിനാല്‍ വലിയ അപകടം ഒഴിവായി. പിന്നീട് കടയിലാകെ പുക പടരുന്നത് ദൃശ്യങ്ങളില്‍ കാണാവുന്നതാണ്.