എയര്പോര്ട്ട് ജീവനക്കാരന് റണ്വേയില് ഡാന്സ് കളിക്കുന്നു; വൈറലാകുന്ന രസകരമായ വീഡിയോ
ജോലി ചെയ്തുകൊണ്ടിരിക്കെ വിനോദം കണ്ടെത്തിയിരിക്കുകയാണ് ഈ ജീവനക്കാരന്. തന്റെ ജോലിയെ ബാധിക്കാത്ത രീതിയില് ആരെയും ശല്യം ചെയ്യാതെ തനിയെ നൃത്തം ചെയ്താണ് ഇദ്ദേഹം വിനോദം കണ്ടെത്തിയത്. റണ്വേയില് നൃത്തം ചെയ്യുന്ന എയര്പോര്ട്ട് ജീവനക്കാരന്റെ രസകരമായ വീഡിയോ സമൂഹ മാധ്യമങ്ങളില് വൈറലായി കൊണ്ടിരിക്കുന്നു.
കൈറന് അഷ്ഫോര്ഡ് എന്ന ജീവനക്കാരന്റെ ജോലിക്കിടെയുള്ള വ്യത്യസ്ത നൃത്തചുവടുകള് വിമാനത്തിലുണ്ടായിരുന്ന ഒരു യാത്രക്കാരന് തന്റെ മൊബൈലില് പകര്ത്തുകയും സമൂഹ മാധ്യമങ്ങളില് പ്രചരിപ്പിച്ചതോടെയുമാണ് ലോക ശ്രദ്ധ പിടിച്ച് പറ്റിയത്. 5 മില്യണിലേറെ പേര് ഈ നൃത്തം ഇത് വരെ കണ്ടു കഴിഞ്ഞു.
അമ്മ വിളിച്ചപ്പോഴാണ് തന്റെ നൃത്തം വൈറലായ വിവരം താന് അറിയുന്നതെന്ന് അഷ്ഫോര്ഡ് പറയുന്നു. കഴിഞ്ഞ അഞ്ച് വര്ഷമായി ഇവിടെയാണ് ജോലി ചെയുന്നത്. നിരവധി സുഹൃത്തുക്കളും ബന്ധുക്കളും വീഡിയോ ലൈക്ക് ചെയ്തവരില് ഉണ്ട്. എപ്പോഴും സന്തോഷവാനായി ഇരിക്കാനാണ് ഇഷ്ടം. അതിനാല് തനിക്ക് ചുറ്റുമുള്ളവരിലേയ്ക്കും സന്തോഷമെത്തിക്കാന് കഴിയുന്നത് ഭാഗ്യമായി കരുതുന്നുവെന്നും അഷ്ഫോര്ഡ് പറയുന്നു.
https://www.facebook.com/Malayalivartha
