നായകന് നായികയ്ക്ക് തന്റെ ഫോണ് നമ്പര് നല്കി; പക്ഷേ പണികിട്ടിയത് ഓട്ടോറിക്ഷ ഡ്രൈവര്ക്ക്!
സിനിമയില് നായകന് നായികയ്ക്ക് ഫോണ് നമ്പര് നല്കുന്ന രംഗം കാരണം താറുമാറായത് സാധാരണക്കാരനായ ഒരു ഓട്ടോ റിക്ഷ ഡ്രൈവറുടെ ജീവിതം. അടുത്തിടെ റിലീസ് ചെയ്ത ബംഗ്ലാദേശി സൂപ്പര്താരമായ ഷാകിബ് ഖാന്റെ രാജ്നീതി എന്ന ചിത്രത്തിലാണ് പ്രസ്തുത രംഗം. നായകന് തന്റെ ഫോണ് നമ്പര് നായികയ്ക്ക് നല്കുന്നതായിരുന്നു ഇതില്.
തങ്ങല്ക്ക് പരിചയമുള്ള വരുടെ നമ്പര് ശ്രദ്ധവച്ച് ഒഴിവാക്കിയാണ് ഇത്തരം രംഗങ്ങള്ക്കുള്ള ഫോണ് നമ്പറുകള് സിനിമയില് ചേര്ക്കുന്നത്. സിനിമ കണ്ട ഷാകിബ് ഖാന്റെ ആരാധകരാകട്ടെ ഈ ഫോണ് നമ്പര് ഷാകിബ് ഖാന്റേ യഥാര്ത്ഥത്തിലുള്ള നമ്പറാണെന്നു കരുതി കുറിച്ചെടുത്ത് അദ്ദേഹമാണെന്നു കരുതി ഫോണ് വിളിക്കാനും ആരംഭിച്ചു. എന്നാല് പണി കിട്ടിയതാകട്ടെ സാധാരണക്കാരനായ ലിജാജുള് മിയ എന്ന ഓട്ടോറിക്ഷ ഡ്രൈവര്ക്കും.കാരണം ആ നമ്പര് ആ ഓട്ടോ ഡ്രൈവറുടോതായിരുന്നു!
ഷാകിബിന്റെ ആരാധികമാര് മാറിമാറി ഈ നമ്പരിലേക്ക് വിളിക്കുവാന് ആരംഭിച്ചു. ദിവസേന നൂറുകണക്കിന് സ്ത്രീകളുടെ ഫോണ് കോളുകള് നിര്ത്താ തെ എത്തിയതോടെ അദ്ദേഹത്തിന് മറ്റ് സ്ത്രീകളുമായി അവിഹിത ബന്ധമുണ്ടെന്ന് ആരോപിച്ച് ഭാര്യയും പിണങ്ങിയിരിക്കുകയാണ്. അദ്ദേഹത്തിന് ഒരു കുട്ടിയുമുണ്ട്.
തനിക്ക് ഈ മൊബൈല് ഫോണ് നമ്പര് മാറാന് സാധിക്കില്ല എന്നാണ് മിയ പറയുന്നത്. കാരണം യാത്രക്കായി ആവശ്യക്കാര് വിളിക്കുന്നത് ഈ നമ്പരിലാണ്. നമ്പര് മാറിയാല് അത് എന്റെ ബിസിനസിനെ ബാധിക്കുമെന്നും അദ്ദേഹം പറയുന്നു. ഫോണ് കോളുകള് കാരണം പൊറുതിമുട്ടിയ മിയ, ഷാകിബ് ഖാന്റെ പക്കല് നിന്നും നഷ്ടപരിഹാരമായി അഞ്ചു മില്യണ് തക( ബംഗ്ലാദേശ് കറന്സി) വേണമെന്ന് ആവശ്യപ്പെട്ട് കോടതിയെ സമീപിച്ചിരിക്കുകയാണ്. അദ്ദേഹത്തിന്റെ പരാതിയിന്മേല് അനുകൂലമായ വിധി കോടതി നടപ്പാക്കിയിട്ടില്ല. എന്നാല് ഇതില് അന്വേഷണം നടത്തണമെന്ന് കോടതി വിധിച്ചിട്ടുണ്ട്.
https://www.facebook.com/Malayalivartha
