ഇരുന്നൂറിലേറെ വാല്‍നട്ടുകള്‍ കൈകൊണ്ട് അടിച്ചുപൊട്ടിക്കാന്‍ ഒരു മിനിറ്റേ വേണ്ടിവന്നുള്ളൂ പ്രഭാകര്‍റെഡ്ഡിയ്ക്ക്!

അതോടെ ഗിന്നസ് റിക്കാര്‍ഡ്, അഭ്യാസിയായ ഈ ആന്ധ്രാ യുവാവിന് സ്വന്തം. നിരവധിയാളുകളെ സാക്ഷി നിര്‍ത്തിയാണ് ഒരു മിനിട്ടിനുള്ളില്‍ 212 വാല്‍നട്ട് അടിച്ചു പൊട്ടിച്ചത്.

പാക്കിസ്ഥാന്‍ സ്വദേശിയായ മുഹമ്മദ് റഷീദ് എന്നയാളുടെ റിക്കാര്‍ഡാണ് പ്രഭാകര്‍ പഴങ്കഥയാക്കിയത്. 210 വാല്‍നട്ടുകളായിരുന്നു മുന്‍ റെക്കാര്‍ഡുകാരന്‍ മുഹമ്മദ് കൈ ഉപയോഗിച്ച് പൊട്ടിച്ചത്.

പ്രഭാകര്‍ വാള്‍നട്ടുകള്‍ ഇടിച്ചു പൊട്ടിക്കുന്നതിന്റെ ദൃശ്യങ്ങള്‍ യൂട്യൂബില്‍ പങ്കുവെച്ചിട്ടുണ്ട്. തന്റെ ലക്ഷ്യം നേടിയെടുക്കുന്നതിനായി എല്ലാദിവസവും കഠിന പരിശീലനം നടത്താറുണ്ടായിരുന്നുവെന്ന് പ്രഭാകര്‍ പറഞ്ഞു.