കുഞ്ഞുജോര്ജ്ജാണ് ബ്രിട്ടണില് താരം
ചെല്ലുന്നിടത്തല്ലാം താരമാണ് ബ്രിട്ടനിലെ ഒന്നര വയസുള്ള ജോര്ജ്ജ് രാജകുമാരന്. ഓമനത്തമുള്ള മുഖത്ത് എപ്പോഴും പുഞ്ചിരി. ആരോടും പെട്ടന്ന് ഇടപഴകുന്ന സ്വാഭവമാണ് കുട്ടിരാജകുമാരനെ എല്ലാവര്ക്കും പ്രിയങ്കരനാക്കിയത്. മുതുമുത്തശ്ശി എലിസബത്ത് രാജ്ഞിപോലും ഇവന്റെ ആരാധികയാണ്. തനിക്ക് ലഭിച്ച സമ്മാനകാര്യത്തില് ബ്രിട്ടന്റെ രാജ്ഞിയെ തോല്പ്പിച്ചാണ് കുഞ്ഞുജോര്ജ്ജ് വാര്ത്തകളില് നിറഞ്ഞ് നില്ക്കുന്നത്.
കുഞ്ഞു ജോര്ജിന് വിദേശ യാത്രകളില് ലഭിച്ച സമ്മാനങ്ങളുടെ എണ്ണം എലിസബത്ത് രാജ്ഞിക്കു ലഭിച്ചതിന്റെ ഏഴിരട്ടി. മാതാപിതാക്കളായ കെയ്റ്റും വില്യം രാജകുമാരനും കഴിഞ്ഞ ഡിസംബറില് യുഎസ് സന്ദര്ശിച്ചപ്പോഴും ബക്കിങ്ങാം കൊട്ടാരത്തിലിരുന്ന ജോര്ജിനു കിട്ടി 11 സമ്മാനങ്ങള്. കഴിഞ്ഞ വര്ഷത്തെ സമ്മാനക്കണക്കെടുപ്പിലാണ് ബ്രിട്ടിഷ് രാജകുടുംബത്തിലെ ഏറ്റവും ഇളയ അംഗത്തിനു മുന്നില് രാജ്ഞി തോറ്റത്. ഓസ്ട്രേലിയയിലും ന്യൂസീലന്ഡിലും പോയപ്പോഴുള്പ്പെടെ ജോര്ജിന് 706 സമ്മാനങ്ങള് കിട്ടിയപ്പോള് പാവം രാജ്ഞിക്കു കിട്ടിയവയുടെ എണ്ണം കഷ്ടിച്ച് നൂറു കടക്കും, അത്ര തന്നെ.
കളിപ്പാട്ടങ്ങളും പുസ്തകങ്ങളും വസ്ത്രങ്ങളുമാണ് ജോര്ജ് രാജകുമാരനു കിട്ടിയ പാരിതോഷികങ്ങളിലേറെയും. തപാലില് അയച്ചു കിട്ടിയതും വില്യം-കെയ്റ്റ് വിവാഹനിശ്ചയകാലത്തു കിട്ടിയതുമൊക്കെ കൂട്ടിയാല് ജോര്ജിന്റെ സമ്മാനസമ്പാദ്യം ആയിരം കടക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha