റിഹാബിലിറ്റേഷന്‍ കൗണ്‍സില്‍ ഓഫ് ഇന്ത്യയുടെ അംഗീകാരമുള്ള ക്ലിനിക്കല്‍ സൈക്കോളജിസ്റ്റ് യോഗ്യത നേടിയ കേരള പോലീസിലെ ഒരേയൊരു 'സഹദേവന് പോലീസ്'!
കാങ്കോല്‍ സ്വദേശിയായ സഹദേവന് 14 വര്‍ഷം മുമ്പ് ബിരുദപഠനം പൂര്‍ത്തിയാക്കുന്നതിനിടയിലാണ് പോലീസില്‍ ചേരുന്നത്. ജോലിക്കിടയില്‍ കൊമേഴ്‌സില്‍ ബിരുദാനന്തര ബിരുദം നേടിയശേഷം ക്ലിനിക്കല്‍ സൈക്കോളജിയില്‍ ബിരുദാനന്തരബിരുദവും കരസ്ഥമാക്കി. ഇതിനുപുറമെ ബിഎഡും സെറ്റും നേടിയ സഹദേവന് ഹൈദരാബാദ് ഉസ്മാനിയ സര്‍വകലാശാലയുടെ കീഴില്‍ സ്വീകാര്‍ അക്കാദമി ഓഫ് റിഹാബിലിറ്റേഷന്‍ സയന്‍സസില്‍നിന്ന് ക്ലിനിക്കല്‍ സൈക്കോളജിയില്‍ പ്രഫഷണല്‍ ഡിപ്ലോമയും നേടി.
ഒരുപക്ഷേ, റിഹാബിലിറ്റേഷന്‍ കൗണ്‍സില്‍ ഓഫ് ഇന്ത്യയുടെ (ആര്‍സിഐ) അംഗീകാരമുള്ള ക്ലിനിക്കല്‍ സൈക്കോളജിസ്റ്റ് യോഗ്യത നേടിയ കേരള പോലീസിലെ അപൂര്‍വ വ്യക്തിയും ഇദ്ദേഹമായിരിക്കാം! പരിയാരം മെഡിക്കല്‍ കോളജ് പോലീസ് സ്റ്റേഷനിലെ സിവില്‍ പോലീസ് ഓഫീസറായ എന്‍.പി. സഹദേവന്.
സഹദേവന് ബോധവത്കരണ ക്ലാസുകളെടുത്ത് ശ്രദ്ധേയനാണ്. നാട്ടിലെ ക്ലബുകള്‍ക്കുവേണ്ടിയും നെഹ്‌റു യുവക് കേന്ദ്ര, എന്‍എസ്എസ്, സ്റ്റുഡന്റ് പോലീസ് ക്യാമ്പുകളിലും ക്ലാസ്സുകളെടുത്തിട്ടുണ്ട്. സഹദേവന്റെ കഴിവ് തിരിച്ചറിഞ്ഞ മുന്‍ ജില്ലാ പോലീസ് മേധാവി ശിവവിക്രം പോലീസുകാര്‍ക്ക് മാനസികസമ്മര്‍ദം കുറയ്ക്കാനും മാനസികാരോഗ്യത്തെക്കുറിച്ച് അവബോധം നല്‍കാനും ക്ലാസുകള്‍ നല്‍കാന്‍ സഹദേവനെ ചുമതലപ്പെടുത്തിയിരുന്നു. ഈ പരിപാടിയില്‍ ജില്ലയിലെ എല്ലാ സ്റ്റേഷനുകളിലെയും പോലീസുകാര്‍ക്കുവേണ്ടിയും സ്‌പെഷല്‍ യൂണിറ്റുകളിലുമായി ഇദ്ദേഹം അന്‍പതിലേറെ ക്ലാസുകളെടുത്തു.
അഞ്ഞൂറാമത് ക്ലാസ് പൂര്‍ത്തിയാക്കിയതിന്റെ ചാരിതാര്‍ഥ്യവുമായി നില്‍ക്കയാണ്് സഹദേവന് ഇപ്പോള്‍. പരിയാരം ഗവ. നഴ്‌സിംഗ് കോളജില്‍ ഇന്നലെ പ്രവേശനത്തിനെത്തിയ ഒന്നാംവര്‍ഷ ബിഎസ്‌സി നഴ്‌സിംഗ് വിദ്യാര്‍ഥികള്‍ക്കു മുന്നിലാണ് സഹദേവന് തന്റെ അഞ്ഞൂറാമത്തെ ക്ലാസ് പൂര്‍ത്തിയാക്കിയത്. മെഡിക്കല്‍ കോളജിലെ എംബിബിഎസ് വിദ്യാര്‍ഥികള്‍ക്കുള്‍പ്പെടെ സഹദേവന് ക്ലാസെടുത്തിട്ടുണ്ട്.
മനഃശാസ്ത്രത്തില്‍ പിഎച്ച്ഡി നേടുകയെന്നത് അടുത്ത സ്വപ്നമായി കൊണ്ടുനടക്കുന്ന സഹദേവന് യൂണിവേഴ്‌സിറ്റികള്‍ പോലീസുകാര്‍ക്ക് പിഎച്ച്ഡിക്ക് പാര്‍ട്ട് ടൈം രജിസ്‌ട്രേഷന്‍ നല്‍കാത്തത് വിലങ്ങുതടിയാകുന്നു. പോലീസ് ട്രെയിനിംഗ് കോളജ് തിരുവനന്തപുരം ഗവ.മെഡിക്കല്‍ കോളജിലെ മാനസികാരോഗ്യ വിഭാഗത്തിന്റെ സഹകരണത്തോടെ സംഘടിപ്പിച്ച മൈന്‍ഡ്ഫുള്‍ ലൈഫ് മാനേജ്‌മെന്റ് എംഎല്‍എം എന്ന ട്രെയിനിംഗ് പരിപാടിയില്‍ ട്രെയിനറായി സംസ്ഥാനത്തുനിന്ന് തെരഞ്ഞെടുക്കപ്പെട്ട 28 പോലീസുകാരില്‍ ഒരാളാണ് സഹദേവന്.
റാഗിംഗ് വിരുദ്ധ ബോധവത്കരണം, സൈബര്‍ സേഫ്റ്റി, സൈബര്‍ ക്രൈം, പേരന്റിംഗ്, മനഃശാസ്ത്രം, ലീഡര്‍ഷിപ്പ്, മദ്യം, മയക്കുമരുന്ന് തുടങ്ങി നിരവധി വിഷയങ്ങളില്‍ ക്ലാസുകള്‍ കൈകാര്യം ചെയ്യുന്ന സഹദേവന് വിവിധ പ്രശ്‌നങ്ങളുമായി ബന്ധപ്പെട്ട് പരിയാരം പോലീസ് സ്റ്റേഷനിലെത്തുന്ന പരാതിക്കാര്‍ക്കും കണ്ണൂര്‍ വനിതാ സെല്ലിലും പോലീസ് സുഹൃത്തുക്കള്‍ക്കും കൗണ്‍സലിംഗ് സേവനം നല്‍കിയിട്ടുണ്ട്.
എന്നെങ്കിലും തന്റെ പിഎച്ച്ഡി മോഹം പൂവണിയുമെന്ന പ്രതീക്ഷയുമായി കഴിയുന്ന സഹദേവന്റെ ഭാര്യ അധ്യാപികയായ രുതിഷയാണ്. രണ്ടു മക്കളുണ്ട്. തളിപ്പറമ്പ് പോലീസ് ക്വാര്‍ട്ടേഴ്‌സിലാണ് താമസം.
https://www.facebook.com/Malayalivartha
