ഏറെ ഉന്നതിയിലുള്ള രാജ്യത്ത് ഇങ്ങനെ സംഭവിക്കുമെന്ന് കേട്ടാല്‍ ആര്‍ക്കും വിശ്വസിക്കാന്‍ കഴിയില്ല. എന്നാല്‍ സംഭവം സത്യമാണെന്ന റിപ്പോര്‍ട്ടാണ് പുറത്ത് വരുന്നത്. നമ്മുക്കെന്നും മാതൃകയായ അമേരിക്കയിലാണിത് നടക്കുന്നതെന്ന് അറിയുമ്പോള്‍ ഞെട്ടാത്തവരാരുമില്ല തന്നെ. യുഎസില്‍ 16സ്ത്രീകളില്‍ ഒരാള്‍ എന്ന കണക്കില്‍ ബലാത്സംഗത്തിന് ഇരയാകുന്നുവെന്നാണ് റിപ്പോര്‍ട്ട്. യുഎസിലെ സ്ത്രീകളില്‍ 30ലക്ഷത്തില്‍ അധികം പേരുടേയും ആദ്യ ലൈംഗികബന്ധം ബലാത്സംഗമാണെന്നാണ് റിപ്പോര്‍ട്ട്. സെന്റേര്‍സ് ഫോര്‍ ഡിസീസ് കണ്‍ട്രോള്‍ ആന്‍ഡ് പ്രിവന്‍ഷന്‍ നടത്തിയ വാര്‍ഷിക സര്‍വേയിലാണ് ഈ റിപ്പോര്‍ട്ട്. 18നും 44നും ഇടയില്‍ പ്രായമായ സ്ത്രീകളിലാണ് സര്‍വേ നടത്തിയത്.

ഈ സര്‍വേ വലിയ കോളിളക്കമാണ് ഉണ്ടാക്കിയത്. ആദ്യത്തെ ലൈംഗിക ബന്ധം നിങ്ങളുടെ താല്‍പര്യ പ്രകാരം ആയിരുന്നോ എന്നായിരുന്നു ചോദ്യം. അല്ല എന്ന് ഉത്തരം പറഞ്ഞതില്‍ 56ശതമാനവും വാക്കാലുള്ള സമ്മര്‍ദ്ദത്തിന് വഴങ്ങുകയായിരുന്നുവെന്നാണ്. കിടന്നു കൊടുക്കുകയായിരുന്നുവെന്നാണ് 46ശതമാനം സ്ത്രീകള്‍ പറഞ്ഞത്. 25ശതമാനം പേരാണ് ശാരീരിക ആക്രമണത്തിന് ഇരയായത്. സര്‍വ്വേ നടത്തിയവരില്‍ 6.5ശതമാനം പേരുടേയും ആദ്യ ലൈംഗിക ബന്ധം ബലാത്സംഗമായിരുന്നു. ഏകദേശം 15 വയസിലാണ് തന്നേക്കാള്‍ ഒരുപാട് വയസ് മൂത്ത ആളുമായി ഇവര്‍ക്ക് ലൈംഗിക ബന്ധത്തിലേര്‍പ്പെടേണ്ടി വന്നത്.

ഇതി അവരെ വലിയ പ്രശ്‌നങ്ങളിലേക്കും തള്ളിവിടുന്നു. പീഡനത്തിന് ശേഷം സ്ത്രീകള്‍ക്ക് പെല്‍വിക് പെയ്ന്‍, ആര്‍ത്തവം ക്രമമല്ലാതെ ആവുക തുടങ്ങിയ നിരവിധ ആരോഗ്യ പ്രശ്‌നങ്ങള്‍ക്ക് കാരണമായി. ഇവര്‍ക്ക് അപ്രതീക്ഷിത ഗര്‍ഭധാരണവും ഗര്‍ഭച്ഛിദ്രവും ഉണ്ടായിട്ടുണ്ട്. മറ്റ് സ്ത്രീകളേക്കാള്‍ ആരോഗ്യപരമായി മോശം അവസ്ഥയിലാണ്. വിഷാദം, ഉറക്കമില്ലായ്മ, ശക്തയല്ലെന്ന തോന്നല്‍, അപകടമായ പെരുമാറ്റം തുടങ്ങിയവ ജീവിതത്തില്‍ ഉടനീളം ഇവര്‍ക്ക് അനുഭവിക്കേണ്ടതായി വരും. ആദ്യ അനുഭവം പീഡനമായിട്ടുള്ള സ്ത്രീകള്‍ സമ്മതത്തോടെ ആദ്യമായി ലൈംഗിക ബന്ധത്തില്‍ ഏര്‍പ്പെട്ടവരെ അപേക്ഷിച്ച് ദീര്‍ഘനാളത്തെ ആരോഗ്യ പ്രശ്‌നങ്ങള്‍ അനുഭവിക്കേണ്ടതായി വരും എന്നാണ് ജാമ ഇന്റേണല്‍ മെഡിസിന്‍ ജേര്‍ണലില്‍ പ്രസിദ്ധീകരിച്ച പഠനത്തില്‍ പറയുന്നത്. സംഭവം പുറത്തറിഞ്ഞതോടെ ഞെട്ടിയിരിക്കുകയാണ് സകലരും.