നല്ല സൗഹൃദം സൂക്ഷിച്ചിരുന്ന മഞ്ജുവും ശ്രീകുമാറും തമ്മിൽ പ്രശ്നങ്ങൾ തുടങ്ങുന്നത് ആ സിനിമയിലുണ്ടായ പ്രശ്നങ്ങൾക്ക് ശേഷം.. അന്ന് ദിലീപുമായി ഇന്ന് മഞ്ജുവുമായി, നേർക്ക് നേർ പട പൊരുതുമ്പോൾ താര ദമ്പതികളുടെ കുടുംബ ജീവിതത്തിൽ വില്ലനായത് ശ്രീകുമാർ മേനോനോ? അന്ന് ദിലീപ് പറഞ്ഞത്?
മോഹന്‍ലാല്‍ മഞ്ജു ചിത്രമായ ഒടിയന്‍, വരാനിരിക്കുന്ന ബിഗ്ബജറ്റ് ചിത്രം രണ്ടാമൂഴം എന്നിവയുടെ സംവിധായകന്‍ എന്ന നിലയ്ക്കാണ് ശ്രീകുമാര്‍ മേനോനെ മലയാളി അറിയുന്നത്. എന്നാല്‍ അതിനും മുന്‍പേ പരസ്യസംവിധായകന്‍ എന്ന നിലയ്ക്ക് ശ്രദ്ധേയനാണ് ശ്രീകുമാര്‍ മേനോന്. ഇപ്പോഴിതാ സിനിമ ലോകത്തെ തന്നെ ഞെട്ടിച്ചായിരുന്നു തന്നെ അപായപ്പെടുത്താന്‍ ശ്രമിക്കുന്നുണ്ടെന്നു കാട്ടി കഴിഞ്ഞ ദിവസം ശ്രീകുമാര്‍ മേനോനെതിരേ പരാതിയുമായി നടി മഞ്ജു വാര്യര്‍ രംഗത്തെത്തിയത്.
അതേസമയം കൊച്ചിയിൽ നടി ആക്രമിയ്ക്കപ്പെട്ട സമയത്ത് കേസില്‍ ഏറ്റവും ഒടുവിലായി ചോദ്യം ചെയ്യപ്പെട്ട പ്രമുഖരില്‍ ഒരാളാണ് സംവിധായകനായ ശ്രീകുമാര്‍ മേനോന്. ദിലീപിന്റെ മൊഴിയെ തുടര്‍ന്നാണ് ശ്രീകുമാര്‍ മേനോനെ ചോദ്യം ചെയ്തത്. ദിലീപിന്റെ ആദ്യ ഭാര്യ മഞ്ജു വാര്യരുമായുള്ള ബന്ധത്തെ കിറിച്ചാണത്രെ പൊലീസ് സംവിധായകനോട് ചോദിച്ചത്. ദിലീപിന്റെ ആദ്യഭാര്യയും നടിയുമായ മഞ്ജു വാര്യരുമായി എന്താണ് ബന്ധം എന്നതടക്കമുള്ള കാര്യങ്ങളാണ് പോലീസ് ചോദിച്ചറിഞ്ഞത്. തന്റെ കുടുംബ ബന്ധം തകരാന്‍ കാരണം ശ്രീകുമാര്‍ മേനോന് ആണെന്നും, ശ്രീകുമാര്‍ മേനോനും മഞ്ജുവും തമ്മില്‍ അടുപ്പത്തിലാണ് എന്നും ദിലീപ് പൊലീസിന് മൊഴി നല്‍കിയിരുന്നു. ഇത് സംബന്ധിച്ച വിവരങ്ങള്‍ ചോദിച്ചപ്പോള്‍ മഞ്ജുവുമായുള്ള ബന്ധത്തെ കുറിച്ച് ശ്രീകുമാര്‍ വ്യക്തമാക്കി. അതേസമയം മഞ്ജു വാര്യരുമായി തനിക്ക് പ്രൊഫഷണല്‍ ബന്ധം മാത്രമാണ് ഉള്ളത് എന്ന് ശ്രീകുമാര്‍ മൊഴി നല്‍കിയതായി അന്ന് റിപ്പോർട്ടുകൾ ഉണ്ടായിരുന്നു. ദിലീപുമായുള്ള വേര്‍പിരിയലിന് ശേഷം മഞ്ജു വാര്യര്‍ക്ക് ക്യാമറയ്ക്ക് മുന്നിലേക്ക് തിരിച്ച് വരവിന് കളമൊരുക്കിയത് ശ്രീകുമാര്‍ മേനോന് ആയിരുന്നു. ശ്രീകുമാര്‍ സംവിധാനം ചെയ്ത കല്യാണ്‍ ജ്വല്ലറിയുടെ പരസ്യത്തിലൂടെ ആയിരുന്നു ആ തിരിച്ച് വരവ്. അതുകൊണ്ട് തന്നെ മഞ്ജുവിനെ സിനിമയിലേക്ക് തിരികെ കൊണ്ടുവരുന്നതില്‍ പ്രധാന പങ്ക് വഹിച്ച ശ്രീകുമാര്‍ മേനോനെതിരെ ദീലീപ് നീക്കങ്ങള്‍ നടത്തിയതായി നേരത്തെ തന്നെ ആരോപണവും ഉണ്ടായിരുന്നു.
നല്ല സൗഹൃദം സൂക്ഷിച്ചിരുന്ന മഞ്ജുവും ശ്രീകുമാറും തമ്മിൽ പ്രശ്നങ്ങൾ തുടങ്ങുന്നത് ഒടിയൻ ചിത്രത്തിന് ശേഷമായിരുന്നു. മോഹന്‍ലാല്‍ ആരാധകരും മലയാള സിനിമാ പ്രേക്ഷകരും ഒരു പോലെ കാത്തിരുന്ന ചിത്രമായിരുന്നു ശ്രീകുമാര്‍ മേനോന് സംവിധാനം ചെയ്ത ഒടിയന്‍ എന്ന ചിത്രം. ആദ്യ പ്രദര്‍ശനം കഴിഞ്ഞ ഉടനെ എല്ലാവരുടെയും പ്രതീക്ഷകളെ ചിത്രം തകര്‍ത്ത് എറിയുകയായിരുന്നു. ആറാം തബുരാനു നരസിംഹത്തില്‍ പിറന്ന മകനാണ് ഒടിയന്‍ എന്നാണു സിനിമ ഇറങ്ങുന്നതിനു മുന്‍പ് സംവിധായകന്‍ പറഞ്ഞത്.
അതുകൊണ്ടുതന്നെ ഒരു മാസ് സിനിമ പ്രതീക്ഷിച്ചാണ് പ്രേക്ഷകര്‍ ടിക്കറ്റ് എടുത്തത്. ബഹുബലിയെ വെല്ലുന്ന ഒരു സിനിമയാകും എന്നൊക്കെയാണ് ചിത്രത്തിന്റെ സംവിധായകന്‍ മുന്‍പ് പല അഭിമുഖങ്ങളിലും പറഞ്ഞിരുന്നത്. അതുപോലെ ആക്ഷന് ധാരാളം പ്രാധാന്യം ഉള്ള സിനിമയില്‍ ക്ലൈമാക്‌സ് 16 മിനിറ്റ് നീണ്ടു നില്‍ക്കുന്ന സംഘട്ടനം എന്നും അണിയറക്കാര്‍ പറഞ്ഞിരുന്നു. എന്നാല്‍ ഇതൊക്കെ പ്രതീക്ഷിച്ചു അതിരാവിലെ നാലുമണിക്കുള്ള ഷോ കാണുവാന്‍ ഹര്‍ത്താലിനെയും വകവെയ്ക്കാതെ തിയറ്ററിനു മുന്‍പില്‍ ക്യൂ നിന്ന ആരാധകരെ പറ്റിക്കുന്നതായിരുന്നു സിനിമ തുടങ്ങിയപ്പോള്‍ സ്‌ക്രീനില്‍ കണ്ടത്. അതുകൊണ്ടുതന്നെ ലാല്‍ ആരാധകരും പ്രേക്ഷകരും ശ്രീ കുമാര്‍ മേനോന്റെ ഫേസ്ബുക്ക് പേജില്‍ പൊങ്കാല ഇട്ടിരുന്നു. അതുംകൂടാതെ സോഷ്യല്‍ മീഡിയയിലും കനത്ത ആക്രമണമാണ് മേനോന് നേരെ ഉയര്‍ന്നത്. മോശം തിരകഥ, എഡിറ്റിംഗ് കൂടാതെ സംവിധാനത്തിലെ പിഴവ് ഇതൊക്കെയാണ് സിനിമയെ പിന്നോട്ട് വലിക്കുന്ന മുഖ്യ കാരണങ്ങള്‍. അതുകഴിഞ്ഞാല്‍ സംവിധായകന്‍ നല്‍കിയ വാനോളം പ്രതീക്ഷയും പൊങ്കാലയ്ക്ക് കാരണമായി എന്ന് പറയാം. എന്നാല്‍ ചിത്രത്തിന്റെ തോല്‍വിയുടെയും തനിക്ക് എതിരെയുള്ള ആക്രമണത്തിന്റെയും പിന്നില്‍ ചിലര്‍ക്ക് മഞ്ജു വാര്യരോടുള്ള ശത്രുതയാണെന്ന് സംവിധായകന്‍ ശ്രീകുമാരന്‍ മേനോന് പറഞ്ഞു രംഗത്ത് വന്നിരുന്നു. മഞ്ജുവിനെ ഇന്നു കാണുന്ന പദവിയിലേക്ക് മാറ്റിയതോടെയാണ് തനിക്ക് ശത്രുക്കളുണ്ടായതെന്നും ഇത് അതിന്റെ ക്ലൈമാക്‌സാണെന്നും വിഷയത്തില്‍ ശ്രീകുമാര്‍ മേനോന് പറഞ്ഞത്. അന്ന് ശ്രീകുമാര്‍ മനോന്‍ മേനോന് തന്റെ നിലപാടുമായി രംഗത്തെത്തിയത്. അതുപോലെ തുടരുന്ന വിവാദങ്ങള്‍ക്ക് മഞ്ജു വാര്യര്‍ മറുപടി പറയണം എന്നും മേനോന് ആവശ്യപ്പെട്ടിരുന്നു. വിവാദങ്ങളോട് അഭിപ്രായം പറയാന്‍ മഞ്ജു വാര്യര്‍ ബാധ്യസ്ഥയാണ്. കാരണം ഇങ്ങനെയുള്ള പേഴ്‌സണല്‍ അറ്റാക്കിന് അവര്‍ കൂടി കാരണമാണ്. അവരുടെ ബ്രാന്‍ഡിങ്ങിനും വളര്‍ച്ചയ്ക്കും പ്രൊഫഷണലായി കൂടെ നിന്നൊരാളാണ് ഞാന്‍. അവര്‍ ഇപ്പോള്‍ കാണുന്ന ബ്രാന്‍ഡഡ് മഞ്ജു വാര്യര്‍ എന്ന പരിവര്‍ത്തനം നടത്തിയത് എന്നില്‍ കൂടെയാണ്. മഞ്ജു വാര്യരെ ഞാന്‍ എന്ന് സഹായിക്കാന്‍ തുടങ്ങിയോ അന്ന് മുതലാണ് ഇതൊക്കെ രൂക്ഷമായതെന്ന് എല്ലാവര്‍ക്കും അറിയാവുന്ന വിഷയമാണ്. അതു കൊണ്ട് ഇക്കാര്യത്തില്‍ മഞ്ജു പ്രതികരിക്കുമെന്നാണ് എന്റെ വിശ്വാസം. ശ്രീകുമാര്‍ മേനോന് അന്ന് പറഞ്ഞ വാക്കുകളാണ്.
https://www.facebook.com/Malayalivartha
