വിവാഹം കഴിക്കേണ്ട സമയത്ത് കഴിച്ചില്ലെങ്കില്‍ ഒരുപക്ഷെ പെണ്‍കുട്ടികളെ കിട്ടില്ല. കാരണം, 15 വയസ് ആകുമ്പോഴെ പെണ്‍കുട്ടികളെ വിവാഹം ചെയ്തു വിടുകയാണ് ഇപ്പോഴും. നിയമപരമായി പെണ്‍കുട്ടികള്‍ക്ക് 18 വയസാണെങ്കിലും 15 വയസ് ആകുമ്പോഴെ പെണ്‍കുട്ടികളെ വിവാഹം ചെയ്തു വിടുന്ന പ്രവണതയാണ് ഇപ്പോഴും കാണുന്നത്. പെണ്‍കുട്ടികളെ കിട്ടാനില്ലായെന്നാണ് ആണ്‍കുട്ടികളുടെ ഇപ്പോഴത്തെ പരാതി. പെണ്‍കുട്ടികളെ കിട്ടാനില്ല.. എന്നാണ് പല രക്ഷിതാക്കളും പറയുന്ന പരാതിയും. കേരളത്തില്‍ ഒരു പുരുഷന് 1.2 ഭാര്യമാരുണ്ടെന്നും ഇന്ത്യയില്‍ ആകെ 66 ലക്ഷം ഭാര്യമാര്‍ കൂടുതലുണ്ടെന്നുമാണ് പുതിയ സെന്‍സസ് രേഖകള്‍ വ്യക്തമാക്കുന്നത്. 18 വയസാണ് പെണ്‍കുട്ടികള്‍ക്ക് വിവാഹപ്രായമെങ്കിലും ഇന്ത്യയില്‍ 15 വയസ്സില്‍ താഴെയുള്ള 18 ലക്ഷം പെണ്‍കുട്ടികള്‍ വിവാഹിതരാണെന്നാണ് അതിശയിപ്പിക്കുന്ന മറ്റ് റിപ്പോര്‍ട്ടുകള്‍. വിവാഹത്തിന് ശേഷം ഭാര്യമാരെ വീട്ടിലാക്കിയ ശേഷം വിദേശത്തേക്ക് പറക്കുന്ന പുരുഷന്മാരുടെ എണ്ണം വര്‍ദ്ധിച്ച് വരികയാണെന്നാണ് കണക്കുകള്‍ വ്യക്തമാക്കുന്നത്.
കഴിഞ്ഞ പ്രവിശ്യത്തെ സെന്‍സസ് കണക്കുകളുമായി താരതമ്യപ്പെടുത്തുമ്പോഴാണ് 15 വയസ്സില്‍ താഴെ വിവാഹിതരായവരുടെ എണ്ണം വര്‍ധിച്ച് 18 ലക്ഷമായിത്തീര്‍ന്നതായി റിപ്പോര്‍ട്ടുകള്‍ വ്യക്തമാക്കിയിരിക്കുന്നത്. 1.2 ബില്യണ്‍ ജനസംഖ്യയില്‍ 580 ദശലക്ഷവും വിവാഹിതരാണെന്നാണ് സെന്‍സസ് വെളിപ്പെടുത്തുന്നത്. ഇതില്‍ 293 ദശലക്ഷം പേര്‍ സ്ത്രീകളാണെങ്കില്‍ 287 ദശലക്ഷമാണ് പുരുഷന്മാരുടെ എണ്ണവും. പ്രവാസത്തിന്റെ സ്വാധീനം വ്യക്തമാക്കാന്‍ ഇക്കാര്യത്തില്‍ സംസ്ഥാനങ്ങള്‍ തിരിച്ചുള്ള കണക്കും ലഭ്യമായിട്ടുണ്ട്. ഇതനുസരിച്ച് കേരളമാണ് ഇക്കാര്യത്തില്‍ മുന്നില്‍ നില്‍ക്കുന്നതെന്നാണ് റിപ്പോര്‍ട്ടുകള്‍. ഇതനുസരിച്ച് ഇവിടെ വിവാഹിതനായ ഒരു പുരുഷന് 1.13 ഭാര്യമാരുണ്ട്. ഇക്കാര്യത്തില്‍ തുടര്‍ന്നുള്ള സ്ഥാനങ്ങളില്‍ ഉത്തര്‍ഖണ്ഡ്, ഹിമാചല്‍ പ്രദേശ്, ഉത്തര്‍ പ്രദേശ്, ബിഹാര്‍ എന്നിവ നിലകൊള്ളുന്നു. ഗുജറാത്ത്, ഡല്‍ഹി, മഹാരാഷ്ട്ര എന്നിവിടങ്ങളില്‍ വിവാഹിതരായ പുരുഷന്മാരുടെ എണ്ണം സ്ത്രീകളുടേതിനേക്കാള്‍ കൂടുതലാണെന്നാണ് റിപ്പോര്‍ട്ടുകള്‍.
പ്രായം ഏതായാലും പ്രശ്‌നമല്ല, വിവാഹം കഴിക്കുക എന്നതാണ് പ്രധാന ലക്ഷ്യമായി പുരുഷന്മാര്‍ കാണുന്നതും. 20 വയസ്സിനു 24 വയസ്സിനുമിടയില്‍ രാജ്യത്തെ 69 ശതമാനം സ്ത്രീകളും വിവാഹിതരാകുന്നുവെങ്കില്‍ 30 ശതമാനം പുരുഷന്മാര്‍ മാത്രമെ ഈ പ്രായത്തിനിടയ്ക്ക് വിവാഹിതരാകുന്നുള്ളൂ എന്നതാണ് യാഥാര്‍ത്ഥ്യം. 15 വയസ്സിന് താഴെ വിവാഹിതരായ 18 ലക്ഷം പേരില്‍ 3 ലക്ഷം പേര്‍ക്കും രണ്ട് കുട്ടികളുള്ളതായാണ് സെന്‍സസ് കണ്ടെത്തിയിരിക്കുന്നു. 15 വയസ്സിന് താഴെ പ്രായമുള്ളവരാണ് 7.8 ലക്ഷം കുട്ടികളുടെയും അമ്മമ്മാര്‍ എന്നതാണ് വെളിപ്പെടുത്തലുകള്‍. 10 വയസ്സിനും 15 വയസ്സിനുമിടെ വിവാഹിതരാകുന്ന പെണ്‍കുട്ടികളുടെ എണ്ണം വര്‍ദ്ധിക്കുകയാണ്. എണ്ണത്തില്‍ മുമ്പില്‍ രാജസ്ഥാനാണ്. ഇവിടെ ഈ പ്രായത്തിലുള്ള 40 ലക്ഷം പെണ്‍കുട്ടികളില്‍ 4 ശതമാനം പേരും വിവാഹിതരാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha