മോഹൻലാൽ അവതാരകനായി എത്തിയ ബിഗ്ഗ്‌ബോസ് ഷോ രണ്ടാം ഭാഗം കോവിഡ് 19 നെ തുടർന്ന് കഴിഞ്ഞ മാസമാണ് അവസാനിപ്പിക്കേണ്ടി വന്നത്. മത്സരാർത്ഥികളെല്ലാം പുറത്തെത്തിയതോടെ താരങ്ങളുടെ വിശേഷങ്ങൾ അറിയാൻ കാത്തിരിക്കുകയാണ് ആരാധകർ. ഷോയിലെ ശ്കതയായ ഒരു മത്സരാർത്ഥിയായിരുന്നു ആര്യ. ഷോയിലെ താരത്തിന്റെ പ്രകടനത്തിനെതിരെ പുറത്തിറങ്ങിയ ശേഷം കടുത്ത സൈബറാക്രമണമാണ് നേരിടേണ്ടി വന്നത്.

ഇപ്പോഴിതാ തനിക്ക് നേരെയുണ്ടായ ചില വിമർശനങ്ങളെ കുറിച്ച് തുറന്ന് പറഞ്ഞിരിക്കുകയാണ് ആര്യ. ഒരു മാഗസീൻ അഭിമുഖത്തിലാണ് താരത്തിന്റെ വെളിപ്പെടുത്തൽ. ' ചില വാട്സാപ്പ് ഗ്രൂപ്പുകളില്‍ തന്നെ തെറിവിളിച്ചുകൊണ്ട് ചില വോയിസ് നോട്ടുകള്‍ വന്നിരുന്നു. അതിട്ട ആളുകളുടെ നമ്ബരിലേക്ക് നേരിട്ടു വിളിച്ച്‌ 'എന്നെക്കൂടി നിങ്ങളുടെ ആര്‍മിയില്‍ ചേര്‍ക്കാമോ' എന്ന് ചോദിച്ചു.

അവര്‍ എന്റെ പേര് ചോദിച്ചപ്പോള്‍ 'ബിഗ്ബോസില്‍ ഉണ്ടായിരുന്ന ആര്യ' എന്ന് പറഞ്ഞു. 'എന്നെ പുറത്തിറങ്ങിയാല്‍ തല്ലുമെന്നും പൊങ്കാല ഇടുമെന്നുമൊക്കെ പറയുന്ന ഓഡിയോ കേട്ടല്ലോ, അത് സത്യമാണോ' എന്ന് ചോദിക്കുമ്ബോള്‍ 'അയ്യോ ചേച്ചീ, അത് ചുമ്മാ ഞങ്ങള്‍ ഫ്രണ്ട്സ് എല്ലാവരുംകൂടി തമാശയ്ക്ക് ചെയ്തതാണ്' എന്ന് പറയും. സോഷ്യല്‍ മീഡിയയില്‍ മറഞ്ഞിരുന്ന് ചീത്ത വിളിക്കുന്നവരൊക്കെ ഇത്രയേ ഉള്ളൂ.

വേറെ ഒരാള്‍ ഇന്‍സ്റ്റഗ്രാമില്‍ ഇങ്ങനെ കമന്റ് ചെയ്തു, 'നീ പുറത്തേക്കിറങ്ങാന്‍ കാത്തുനില്‍ക്കുകയാണ്. നിന്നെ അടിക്കാന്‍ ആളെ റെഡി ആക്കിയിട്ടുണ്ട്.' ഞാന്‍ ഉടനെ മറുപടി കൊടുത്തു, 'എവിടെയാണ് വരേണ്ടത്. ഞാന്‍ വരാം.' പിന്നെ അയാള്‍ ഒന്നും മിണ്ടാതെ മുങ്ങി. ' ഇപ്പോള്‍ വീണയും മഞ്ജുവും ചേര്‍ന്ന്കൊണ്ട് ഒരു പരാതി നല്‍കാനുള്ള തീരുമാനത്തിലാണെന്ന് ആര്യ പറയുന്നു.