രാജസ്ഥാനില്‍ ഇന്നും ഇന്നലെയും തുടങ്ങിയതല്ല അശോക് ഗെഹ്‌ലേത്തും സച്ചിന്‍ പൈലറ്റും തമ്മിലുള്ള അധികാര വടംവലി. ഇതു തന്നെയാണ് മധ്യപ്രദേശില്‍ കമന്‍നാഥും ജ്യോതിരാദിത്യ സിന്ധ്യയും തമ്മിലുണ്ടായിരുന്നതും അവസാനം കോണ്‍ഗ്രസ് സര്‍ക്കാരിനെ തന്നെ അട്ടിമറിച്ച് ബി.ജെ.പി പാളയത്തില്‍ ജ്യോതിരാദിത്യ സിന്ധ്യയെ എത്തിക്കുകയും ചെയ്തു. മുതിര്‍ന്ന നേതാക്കളും പുതിയ തലമുറയില്‍പ്പെട്ടവരും തമ്മിലുള്ള ഈ ഭിന്നത കോണ്‍ഗ്രസിന്റെ അടിവേര് അറക്കുന്ന കാഴ്ച്ചയാണ് ഉത്തേര്യന്‍ സംസ്ഥാനങ്ങളില്‍ നിന്നും കാണാന്‍ സാധിക്കുന്നത്. പാര്‍ട്ടിക്കുവേണ്ടി പോരടിക്കുന്ന യുവജനതയും ക്രെഡിറ്റും അധികാരവും മുതിര്‍ന്ന നേതാക്കളും കൈയാളുന്നതു തന്നെയാണ് കോണ്‍ഗ്രസ് എല്ലാകാലത്തും നേരിട്ട പ്രശ്‌നം.

രാഹുല്‍ ഗാന്ധി കോണ്‍ഗ്രസ് നേതൃത്വത്തിലേക്ക് വന്നപ്പോള്‍ ഉയര്‍ന്നുവന്നപ്പോള്‍ രാഹുല്‍ ബ്രികേഡ് എന്ന പേരില്‍ രാഹുലിനൊപ്പം നിന്ന യുവനേതൃ നിരയിലെ പ്രമുഖരായിരുന്നു ജ്യോതിരാദിത്യ സിന്ധ്യയും സച്ചിന്‍ പൈലറ്റും. മധ്യപ്രദേശിലും രാജസ്ഥാനാലും കോണ്‍ഗ്രസിനെ അധികാരത്തില്‍ എത്തിച്ചതില്‍ നിര്‍ണായക പങ്കു വഹിച്ചതും ഈ നേതാക്കള്‍ തന്നെയായിരുന്നു. എന്നാല്‍ ഈ യുവാക്കളെ ഒതുക്കി അധികാരം മുതിര്‍ന്ന നേതാക്കള്‍ പിടിച്ചെടുക്കുന്ന കാഴ്ചയാണ് മധ്യപ്രദേശിലും രാജസ്ഥാനിലും അന്ന് നമുക്ക് കാണാന്‍ സാധിച്ചത്. ജ്യോതിരാദിത്യ സിന്ധ്യയെ അധികാരത്തിന്റെയും പാര്‍ട്ടിയുടെയും എല്ലാ ഇടനാഴികളില്‍ നിന്നും ഒഴിവാക്കാനാണ് കമന്‍നാഥ് അന്ന് ശ്രമിച്ചത്. മന്ത്രിസഭയില്‍ സ്ഥാനമോ പി.സി.സി അധ്യക്ഷ സ്ഥാനമോ നല്‍കാന്‍ കമല്‍നാഥ് തയ്യാറായില്ല. ഇതിന്റെ ഫലമായിരുന്നു കോണ്‍ഗ്രസ് സര്‍ക്കാരിനെ അട്ടിമറിച്ച് ബി.ജെ.പി പാളയില്‍ ജ്യോതിരാദിത്യ സന്ധ്യയെത്തിച്ചത്. ഈ ഉദാഹരണം മുന്നിലുണ്ടായിരുന്നിട്ടും കോണ്‍ഗ്രസ് നേതൃത്വം പഠിക്കുന്നില്ലെന്നാണ് ഇപ്പോള്‍ രാജസ്ഥാനിലെ പ്രശ്‌നങ്ങള്‍ കാണുമ്പോള്‍ മനസിലാക്കാം. എന്നാല്‍ പാര്‍ട്ടിയില്‍ അധികാര ശക്തിയായി വളരുന്ന സച്ചിന്‍ പൈലറ്റിന് തടയിടാന്‍ അശോക് ഗെഹ്‌ലോട്ട് ശ്രമിച്ചുവെങ്കിലും കമല്‍നാഥ് ജ്യോതിരാദിത്യ സിന്ധ്യയോട് ചെയ്തതുപോലെയുള്ള നെറികേട് അശോക് ഗെഹ്‌ലോട്ട് ചെയ്തിട്ടില്ല. ഇതിന് ഉദാഹരം സച്ചിന്‍ പൈലറ്റ് വഹിക്കുന്ന ഉപമുഖ്യമന്ത്രി സ്ഥാനം നന്നെയാണ്. പക്ഷേ രാഹുല്‍ഗാന്ധിയോടൊപ്പം നില്‍ക്കുമ്പോഴും പ്രതിസന്ധി ഘട്ടത്തില്‍ രാഹുല്‍ ഈ യുവനേതാക്കളുടെ താല്‍പര്യം സംരക്ഷിക്കാന്‍ ഒരു നടപടിയും എടുത്തിയിരുന്നില്ല. അന്നും എന്നും പാര്‍ട്ടിക്ക് പ്രീയം കടല്‍കിഴവന്‍മാരെ തന്നെയായിരുന്നു. ഇതിന്റെ ഫലമായിയാണ് ഏറ്റവും സമര്‍ദ്ദരായ കോണ്‍ഗ്രസിന്റെ യുവനേതാക്കള്‍ തന്നെ ബി.ജെ.പി പാളയത്തിലെത്തുന്നത്. ഇതിലൂടെ കോണ്‍ഗ്രസിന്റെ യുവത്വം കൂടിയാണ് നഷ്ടപ്പെടുന്നതെന്ന് കോണ്‍ഗ്രസ് ഹൈക്കമാന്‍ഡ് മനസിലാക്കുന്നമില്ല.

രാജസ്ഥാനിന്‍ സച്ചില്‍ പൈലറ്റ് പുറത്തു പോയാലും അധികാരം നഷ്ടപ്പെടില്ലായിരിക്കാം. രാജസ്ഥാനിലെ 200 നിയമസഭാംഗങ്ങളില്‍ 107 പേരാണ് കോണ്‍ഗ്രസിനുള്ളത്. കൂടാതെ 12 സ്വതന്ത്രന്മാരുടെ പിന്തുണയും രാഷ്ട്രീയ ലോക് ദള്‍, സി.പി.എം ഭാരതീയ ട്രൈബല്‍ പാര്‍ട്ടി എന്നി പാര്‍ട്ടികളില്‍ നിന്നുള്ള അഞ്ച് എം.എല്‍.എമാരുടെ പിന്തുണയും കോണ്‍ഗ്രസിനുണ്ട്. നിലവില്‍ സച്ചിന്‍പൈലറ്റിനൊപ്പം 15 എം.എല്‍.എമാരുണ്ട് ഇത് 23 ആയാലും സര്‍ക്കാരിനെ അട്ടിമറിക്കാന്‍ സച്ചിന്‍ പൈലറ്റിന് സാധിക്കില്ലെന്നാണ് വിലയിരുത്തല്‍. ഇതിന്റെ അടിസ്ഥാനത്തില്‍ സര്‍ക്കാരിനെ അട്ടിമറിക്കാന്‍ ശ്രമിച്ചതിന് സച്ചിന്‍ പൈലറ്റിനെതിരെ നടപടി വേണെന്ന ആവശ്യമാണ് മുതിര്‍ന്ന നേതാക്കള്‍ ആവശ്യപ്പെടുന്നത്. ഇത് നല്ല സന്ദേശമായിരിക്കില്ല കോണ്‍ഗ്രസിനോടെപ്പം നില്‍ക്കുന്ന യുവനേതാക്കള്‍ക്ക് നല്‍കുക. അങ്ങനെയെങ്കില്‍ സച്ചില്‍ പൈലറ്റ് ബി.ജെ.പിയിലോ സ്വന്തം പാര്‍ട്ടി രൂപീകരിച്ചോ കോണ്‍ഗ്രസില്‍ നിന്നും വിട്ടു പോകാം. അത് കോണ്‍ഗ്രസിലെ യുവനേതാക്കള്‍ക്കിടയില്‍ അസംതൃപതിക്ക് കാരണമാകുമെന്ന കാര്യത്തില്‍ സംശയമില്ല. ഒപ്പം കോണ്‍ഗ്രസ് വിമുത് ഭാരതമെന്ന ബി.ജെ.പിയുടെ ആഗ്രഹത്തിന് അവര്‍ ഒന്നും ചെയ്യാതെ തന്നെ ഒരു പടി മുന്നേറുകയും ചെയ്യും.