കോവിഡ് വ്യാപനം തലസ്ഥാനത്ത് അതിശക്തമാണ്. ഇന്നലെയും കേരളത്തില്‍ ഏറ്റവും അധികരം കോവിഡ് ബാധിതര്‍ തിരുവനന്തപുരത്ത് നിന്നും തന്നെയാണ്. കോവിഡ് വ്യാപനത്തെ തുടര്‍ന്ന് നിയമസഭാ സമ്മേളനവും പത്തില്‍ താഴെ അംഗങ്ങള്‍ മാത്രം പങ്കെടുക്കുന്ന എല്‍.ഡി.എഫ് യോഗവുമെല്ലാം സി.പി.എം മാറ്റി വച്ചിരുന്നു. ഈ നീക്കങ്ങള്‍ക്കു പിന്നില്‍ കോവിഡ് അല്ല, വ്യക്തമായ രാഷ്ട്രീയമാണെന്ന് വീണ്ടും വീണ്ടും തെളിയുകയാണ്. അതുകൊണ്ടാണല്ലോ സി.പി.എമ്മിന്റെ സംസ്ഥാന നേതൃത്വം കാട്ടുന്ന ഈ കരുതല്‍ തിരുവനന്തപുരം ജില്ലയിലെ സി.പി.എം നേതാക്കള്‍ കാട്ടാതിരുന്നത്. കോവിഡ് മാനദണ്ഡങ്ങള്‍ കാറ്റില്‍ പറത്തി കോവിഡ് വ്യാപനം ശക്തമായ പ്രദേശത്ത് പാര്‍ട്ടി സമ്മേളനം നടത്തിയിരിക്കുകയാണ്. നൂറിലധികം പാര്‍ട്ടി പ്രവര്‍ത്തകരാണ് സമ്മേളനത്തില്‍ പങ്കെടുത്തത്. അതും കോവിഡ് വ്യാപനം ശക്തമായിരിക്കുന്ന നെയ്യാറ്റിന്‍കരയിലെ ചെങ്കല്‍ കാരിയോട്ടില്‍.

്പാറശാല, ചെങ്കല്‍ പ്രദേശങ്ങളില്‍ കോവിഡ് ക്ലസ്റ്ററുകള്‍ രൂപപ്പെടുന്നുവെന്നു മുഖ്യമന്ത്രി തന്നെ പറഞ്ഞിരുന്നതാണ്. കോവിഡ് നിയന്ത്രണം പൂര്‍ണമായും പോലീസിനെ ഏല്‍പിച്ചിട്ടും പോലീസ് നടപടി സ്വീകരിച്ചില്ലെന്നും പരാതി ഉയര്‍ന്നിട്ടുണ്ട്. സിപിഎം ജില്ലാ സെക്രട്ടറി ആനാവൂര്‍ നാഗപ്പന്റെ നേതൃത്വത്തില്‍ കൊവിഡ് മാനദണ്ഡങ്ങള്‍ ലംഘിച്ച് സമ്മേളനം നടത്തിയെന്ന് ആക്ഷേപം. ബിജെപി യില്‍ നിന്നും സി പി എമ്മിലേക്ക് എത്തിയ പ്രവര്‍ത്തകരെ സ്വീകരിക്കുന്ന പരിപാടിയിലാണ് മാനദണ്ഡങ്ങള്‍ ലംഘിച്ചു പ്രവര്‍ത്തകര്‍ തടിച്ചു കൂടിയത്. സമ്മേളനത്തില്‍ പങ്കെടുത്തത് 100 ലേറെ ആളുകളാണ്. നെയ്യാറ്റിന്‍കര എം.എല്‍.എ കെ ആന്‍സലനും ചടങ്ങില്‍ പങ്കെടുത്തു.

ചെങ്കലിലെ കരിയോടുള്ള 20 കുടുംബങ്ങളാണ് ബി.ജെ.പി ബന്ധം ഉപേക്ഷിച്ച് സി.പി.എമ്മില്‍ ചേര്‍ന്നതെന്ന് പാര്‍ട്ടി പത്രമായ ദേശാഭിമാനി റിപ്പോര്‍ട്ട് ചെയ്യുന്നു. ഇവര്‍ക്ക് ഗംഭീര സ്വീകരണമാണ് നല്‍കിയതെന്നും ദേശാഭിമാനി പറയുന്നു. വാര്‍ത്തക്കൊപ്പം പ്രസിദ്ധീകരിച്ച ചിത്രത്തില്‍ നിരവധി പേര്‍ പങ്കെടുത്തിണ്ടെന്നും മനസിലാക്കാന്‍ സാധിക്കും. ആനാവൂര്‍ നാഗപ്പന്‍, കെ.ആന്‍സലന്‍ എം.എല്‍.എ എന്നിവര്‍ക്ക് പുറമേ സി.പി.എമ്മിന്റെ നിരവധി ഏരിയാ, ലോക്കല്‍ കമ്മിറ്റി അംഗങ്ങളും ചടങ്ങില്‍ പങ്കെടുത്തു.

സി.പി.എമ്മില്‍ നിന്നും പ്രവര്‍ത്തകര്‍ വിട്ടു പോകുന്നുവെന്ന രീതിയില്‍ നിരവധി വാര്‍ത്തകള്‍ പുറത്തു വന്നിയിരുന്നു. തിരുവനന്തപുരം ജില്ലയിലെ നെടുങ്ങാട് നിന്നും 47 പേരാണ് ബി.ജെ.പിയില്‍ ചേര്‍ന്നത്. ഇതിന് പിന്നാലെ കഴിഞ്ഞ ആഴ്ച്ച പൊന്നാലിയില്‍ നിന്നും നൂറോളം കുടുംബങ്ങള്‍ സി.പി.എം വിട്ട് സി.പി.ഐയിലും എത്തിയിരുന്നു. ഇതിന് പിന്നിലെ പാര്‍ട്ടി പ്രതിരോധത്തിലായിരുന്നു. ഇതു മറിക്കടക്കുന്നതിന്റെ ഭാഗമായിയാണ് ബി.ജെ.പിയില്‍ നിന്നും സി.പി.എമ്മിലേക്ക് വരുന്നവരെ കോവിഡ് കാലത്തും വലിയ സമ്മേളനം നടത്തി സി.പി.എം സ്വീകരിച്ചത്. കോവിഡ് കാലത്ത് സി.പി.എമ്മിന്റെ രാഷ്ട്രീയ നിലപാട് എന്താണെന്ന് വ്യക്തമാക്കുന്നതാണ് ഇത്തരം സമ്മേളനങ്ങള്‍.