സ്വപ്നയുടെ സ്വര്ണക്കടത്ത് ബിസിനസില് പങ്കാളികള് നിരവധി രാഷ്ട്രീയ ഉന്നതര്; എല്ലാവരെയും തുത്തുവാരാന് കസ്റ്റംസ്റ്റും എന്.ഐ.എയും; കള്ളക്കടത്തിന് രാജ്യാന്തര ബന്ധം; പണം ഹവാലം മാര്ഗം ഗള്ഫില് എത്തുന്നതായി കസ്റ്റംസ് കോടതിയില്
സ്വപ്നയുടെ സ്വര്ണക്കടത്ത് ബിസിനസില് നിരവധി രാഷ്ട്രീയ ഉന്നതര് പങ്കു ചേര്ന്നതായി സൂചന. സ്വര്ണക്കടത്തുമായി ഉയര്ന്നുവന്ന രാഷ്ട്രീയ ബന്ധങ്ങളെക്കുറിച്ച് എന്.ഐ.എയും കസ്റ്റംസും അന്വേഷണം നടത്തുകയാണ്. ഇതിനിടെയാണ് ഞെട്ടിക്കുന്ന പുതിയ വിവരങ്ങള് പുറത്തു വരുന്നത്. സ്വപ്നയെ കൂടാതെ സ്വര്ണക്കടത്തില് പണം നിക്ഷേപിക്കാന് താല്പര്യമുള്ളവരെ കണ്ടെത്താന് രണ്ടു സംഘങ്ങള് തിരുവനന്തപുരത്ത് മാത്രം പ്രവര്ത്തിച്ചിരുന്നുവെന്ന് എന്.ഐ.ഐ കണ്ടെത്തിട്ടുണ്ടെന്നാണ് വിവരം. സ്വപ്നയുടെ നേതൃത്വത്തിലുള്ള സംഘം രാഷ്ട്രീയ നേതാക്കളെ വല വീശിപിടിക്കുമ്പോള് മറ്റൊരു സംഘം തലസ്ഥാനത്തെ ബിസിനസുക്കാരെ നോട്ടമിട്ടയിരുന്നു. സംഘങ്ങള് രാഷ്ട്രീയക്കാരില് നിന്നും ബിസിനസുക്കാരില് നിന്നും പണം വാങ്ങി സ്വര്ണക്കടത്തിനായി മുടക്കുന്നുണ്ട്. ഇതിന്റെ ലാഭം വിദേശത്തു നിക്ഷേപിക്കുന്നതിനുള്ള സൗകര്യവും സ്വപ്നയുടെ നേതൃത്വത്തിലുള്ള സ്വര്ണക്കടത്തു സംഘം ചെയ്തു കൊടുത്തിയിരുന്നു. ഇത് കള്ളപണവും കൈക്കൂലി പണവും സൂക്ഷിക്കുന്ന രാഷ്ട്രീയക്കാരെയും ബിസിനസുക്കാരെയും ഇതിതിലേക്ക് അടുപ്പിച്ചു.
മന്ത്രി കെ.ടി ജലീലിന് പുറമേ മറ്റൊരു രാഷ്ട്രീയ ഉന്നതനും സ്വപ്നയുമായി അടുത്തബന്ധമുണ്ടെന്ന് അന്വേഷണ സംഘം കണ്ടെത്തിട്ടുണ്ട്. ഇതിന്റെ ഭാഗമായി ഈ ഉന്നത രാഷ്ട്രീയ നേതാവിന്റെ വിദേശ യാത്രക്കളുടെ വിശദാംശം എന്.ഐ.എയും കസ്റ്റംസും സ്വീകരിക്കുകയാണ്. ഇതിന്റെ ഫലമായി നടത്തിയ അന്വേഷത്തിലാണ് സ്വപ്നയുടെ സ്വര്ണക്കടത്ത് എങ്ങനെയായിരുന്നുവെന്നത് സംബന്ധിച്ചുള്ള വിവരങ്ങള് പുറത്ത് വരുന്നത്. മന്ത്രിക്കും സര്ക്കാര് ഉന്നത ഉദ്യോഗസ്ഥര്ക്കും അനുവദാമില്ലാതെ വിദേശയാത്ര നടത്താനാവില്ല. സര്ക്കാര് അറിയാതെ നടത്തിയ യാത്രകളില് ചിലത് അന്വേഷണത്തിന്റെ പരിധിയില്പ്പെടുത്തിയാല് സ്വര്ണക്കടത്തുമായി ബന്ധപ്പെട്ട കൂടുതല് വിവരങ്ങള് ലഭിക്കുമെന്ന കണക്കുകൂട്ടലിലാണ് കസ്റ്റംസ്. അത്തരത്തിലാണ് നിലവില് അന്വേഷണം പുരോഗമിക്കുന്നത്.
ഇതിനിടെ കളളക്കടത്തിന് പിന്നില് രാജ്യാന്തര റാക്കറ്റാണ് പ്രവര്ത്തിക്കുന്നതായി കസ്റ്റംസ് കോടതിയെ അറിയിച്ചു. ഒരു സംഘം ആളുകളാണ് കള്ളക്കടത്തിനായി പണം മുടക്കുന്നതെന്നും കസ്റ്റംസ് കോടതിയില് വിശദീകരിച്ചു. പണം ഹവാലാ മാര്ഗത്തിലൂടെയാണ് ഗള്ഫില് എത്തുന്നത്. ഇതിന് സ്വര്ണം വാങ്ങി അയക്കുന്നു, ഇതാണ് ,സംഘത്തിന്റെ രീതിയെന്നും കസ്റ്റംസ് പറഞ്ഞു. സ്വര്ണക്കടത്തുകേസിലെ മൂന്നു പ്രതികളുടെ ജാമ്യാപേക്ഷയാണ് ഹൈക്കോടതി പരിഗണിച്ചത്. ഹര്ജികള് വിധി പറയാനായി മാറ്റി. ദുബൈയിലുള്ള രണ്ട് പേരെ കൂടി സ്വര്ണക്കടത്ത് കേസുമായി ബന്ധപ്പെട്ട് അറസ്റ്റ് ചെയ്യാനുണ്ടെന്നും കേസില് ഇത് അത്യാവശ്യമാണെന്നും കസ്റ്റംസ് കോടതിയില് അറിയിച്ചു. ഇതിനുള്ള നടപടികള് തുടരുകയാണ്.
ഇതിനിടെ സ്വപ്ന സുരേഷിന്റെ സിപിഎം ബന്ധത്തിനുള്ള കൂടുതല് തെളിവുകള് പുറത്തു വരുകയാണ്. സ്വപ്നക്ക് വേണ്ടി കോടതിയില് ഹാജരാകുന്നത് മുന് എസ്.എഫ്.ഐ നേതാവും, ഇപ്പോള് സജീവ സി പി എം പ്രവര്ത്തകനുമായ അഭിഭാഷകന്. മുതിര്ന്ന കോണ്ഗ്രസ് നേതാക്കളുമായി തനിക്ക് ബന്ധമുണ്ടെന്ന് അന്വേഷണ സംഘത്തിന് മുന്നില് മൊഴി നല്കാന് സ്വപ്നക്കുമേല് അഭിഭാഷകന്റെ സമ്മര്ദ്ദമുണ്ടെന്നും സൂചനയുണ്ട്.
https://www.facebook.com/Malayalivartha