രണ്ടു വയസായ ഒരു കുട്ടിയുടെ മാതാപിതാക്കൾ! അപര്‍ണ വീണ്ടും ഗര്‍ഭിണിയായപ്പോൾ കാമുകനാണ് ഗര്‍ഭത്തിന് ഉത്തരവാദിയെന്നും അയാള്‍ അത്മഹത്യചെയ്തെന്നും ഭര്‍ത്താവിനെ പറഞ്ഞു വിശ്വസിപ്പിച്ചു! അനാഥാലയ മുറ്റത്ത് നവജാത ശിശുവിനെ ഉപേക്ഷിച്ച നിലയില്‍ കണ്ടത്തിയതോടെ സി.സി.ടിവി ദൃശ്യങ്ങൾ പരിശോധിച്ചതോടെ കണ്ട കാഴ്ച ഭയാനകം...
നാട്ടുകാരെ ഒന്നടങ്കം ഞെട്ടിച്ച ഒരു വാർത്തയാണ് ഇപ്പോൾ പുറത്ത് വരുന്നത്. പന്നിമറ്റത്തുള്ള അനാഥാലയത്തിന്റെ മുറ്റത്ത് നവജാത ശിശുവിനെ ഉപേക്ഷിച്ച നിലയില്‍ കണ്ടെത്തിയ സംഭവത്തില്‍ അയര്‍ക്കുന്നം തേത്തുരുത്തില്‍ അമല്‍ കുമാര്‍ (31), ഭാര്യ അപര്‍ണ (26) എന്നിവര്‍ അറസ്റ്റിലായി.
രണ്ടു വയസായ ഒരു കുട്ടിയുടെ മാതാപിതാക്കളാണ് അമല്‍ കുമാര്‍-അപര്‍ണ ദമ്പതികള്‍. ഇതിനിടെ അപര്‍ണ വീണ്ടും ഗര്‍ഭിണിയായി. പെരുവന്താനം സ്വദേശിയായ അപര്‍ണയുടെ കാമുകനാണ് ഗര്‍ഭത്തിന് ഉത്തരവാദിയെന്നും അയാള്‍ അത്മഹത്യചെയ്തെന്നും അപര്‍ണ ഭര്‍ത്താവിനെ ധരിപ്പിച്ചു.
തുടര്‍ന്ന് കുട്ടിയുടെ പിതൃത്വത്തെച്ചൊല്ലി ഇരുവരും പിണക്കത്തില്‍ കഴിയുകയായിരുന്നു. രണ്ടു വയസുള്ള കുട്ടിയുള്ളതുകൊണ്ട് ഭാര്യയെ ഉപേക്ഷിക്കാനും ഭര്‍ത്താവ് മടിച്ചു. ഒടുവില്‍ കുട്ടിയുണ്ടാകുമ്പോള്‍ അനാഥാലയത്തില്‍ ഏല്‍പ്പിക്കാനും ഒന്നിച്ചു താമസിക്കാനും ഇവര്‍ തമ്മില്‍ ധാരണ ഉണ്ടാക്കി.
അപര്‍ണയ്ക്ക് കഴിഞ്ഞ ഞായറാഴ്ച വെളുപ്പിന് പ്രസവവേദനയുണ്ടായതോടെ അമല്‍ കുമാര്‍ നേരത്തേ സംഘടിപ്പിച്ചിരുന്ന സുഹൃത്തിന്റെ വാഹനത്തില്‍ ഭാര്യയെ ആശുപത്രിയില്‍ കൊണ്ടുപോയി. ഇതില്‍ തൊടുപുഴയിലേക്കു വരുമ്പോള്‍ വാഹനത്തില്‍വച്ച് അപര്‍ണ പ്രസവിച്ചു. അമല്‍ കുമാറാണ് വാഹനം ഓടിച്ചിരുന്നത്.
തൊടുപുഴയിലെത്തി നടത്തിയ അന്വേഷണത്തിലാണ് പന്നിമറ്റത്തെ അനാഥാലയം കുട്ടിയെ ഉപേക്ഷിക്കാന്‍ തെരഞ്ഞെടുത്തത്. തിരിച്ചുപോയ ഇവര്‍ നെല്ലാപ്പാറയില്‍വച്ചു വാഹനത്തിലെ രക്തം കഴുകിക്കളയുകയും നൈറ്റിയും മറ്റും കഴുകി തുണിമാറുകയും ചെയ്തു.
അനാഥാലയം നടത്തിപ്പുകാര്‍ ഞായറാഴ്ച കുട്ടിയെ കണ്ടെത്തിയ ഉടന്‍ പോലീസില്‍ അറിയിച്ചിരുന്നു. പോലീസ് സ്ഥലത്തെത്തി നടത്തിയ അന്വേഷണത്തില്‍ സി.സി.ടിവി ദൃശ്യങ്ങള്‍ പരിശോധിച്ച് ഇവരെത്തിയ വാഹനത്തിന്റെ നമ്പര്‍ മനസിലാക്കി.
കാഞ്ഞാര്‍ പോലീസ് ഞായറാഴ്ച രാത്രിയില്‍തന്നെ കോട്ടയത്ത് പോയി വാഹനത്തിന്റെ രജിസ്റ്റേഡ് ഉടമയെ കണ്ടെത്തി. ഇയാള്‍ പറഞ്ഞത് അനുസരിച്ച് രാത്രി 10.30-ന് അമല്‍ കുമാറിനെയും അപര്‍ണയേയും കസ്റ്റഡിയിലെടുത്തു. അപര്‍ണയെ അന്നുതന്നെ പോലീസ് നിരീക്ഷണത്തില്‍ തൊടുപുഴയിലെ ജില്ലാ ആശുപത്രിയില്‍ പ്രവേശിപ്പിച്ചു.
അപര്‍ണയുടെ കാമുകന്‍ ആത്മഹത്യചെയ്തെന്ന വാദം പോലീസ് മുഖവിലയ്ക്കെടുത്തിട്ടില്ല. അമല്‍ കുമാറിനെ ഇന്നു കോടതിയില്‍ ഹാജരാക്കും. എസ്.ഐമാരായ പി.ടി. ബിജോയി, ഇസ്മായില്‍, എ.എസ്.ഐ. ഉെബെസ്, സിവില്‍ പോലീസ് ഓഫീസര്‍മാരായ ഷാജഹാന്‍, അശ്വതി, കെ.കെ. ബിജു, ജോയി, അനസ്, ബിജു ജോര്‍ജ് എന്നിവരടങ്ങിയ സംഘമാണ് പ്രതികളെ പിടികൂടിയത്.
https://www.facebook.com/Malayalivartha
