സര്ക്കാരിനെ വെട്ടിലാക്കി പോലീസ്; സ്വപ്നയുടെ നിയമനത്തില് ഉന്നതതല ഗൂഢാലോചനയുണ്ടെന്ന് പോലീസ്; പിഡബ്ല്യുസിക്ക് വെളിപ്പെടുത്തലിന് പിന്നാലെ പോലീസിന്റെ കണ്ടെത്തലും; പരാതി നല്കിയ കെഎസ്ഐടിഎല് എംഡിയിലേക്കും അന്വേഷണം
കെഎസ്ഐടിഎല് എംഡിയാണ് സ്വപ്നയെ നിയമിക്കാന് ശുപാര്ശ ചെയ്തതെന്ന് പിഡബ്ള്യുസി കോടതിയെ അറിയിച്ചിയിരുന്നു. ഇതിന് പിന്നാലെ സ്വപ്നയുടെ സ്പെയ്സ് പാര്ക്കിലെ നിയമനത്തില് ഉന്നതതല ഗൂഢാലോചനയുണ്ടെന്ന് പോലീസും കണ്ടെത്തിയിരിക്കുകയാണ്. ഇത് സര്ക്കാരിനെ വെട്ടിലാക്കിയിരിക്കുകയാണ്. ഇതോടെ പാലീസിന് പരാതി നല്കിയ കെഎസ്ഐടിഎല് എംഡി ജയശങ്കര് പ്രസാദിലേക്ക് കൂടി അന്വേഷണം നീങ്ങേണ്ട സാഹചര്യമാണുള്ളത്. സര്ക്കാരിന്റെയും സി.പി.എമ്മിന്റെയും ന്യായീകരണങ്ങളുടെ പ്രസക്തി നശിപ്പിക്കുന്നതാണ് പോലീസിന്റെ കണ്ടെത്തല്. ഉന്നതല ഗൂഢാലോചനയില് പങ്കെടുത്തവര് ആരെല്ലാമാണെന്ന് പോലീസ് അന്വേഷണത്തില് കണ്ടെത്തിട്ടുണ്ട്. എന്നാല് ഈ സര്ക്കാരിന്റെ കാലത്ത് ആ പേരുകള് പുറത്തുവരുമോ എന്ന കാര്യം സംശയമാണ്. മാനദണ്ഡങ്ങള് കാറ്റില്പ്പറത്തിയും പ്രത്യേക തസ്തിക ഉണ്ടാക്കിയുമാണ് നിയമനമെന്ന് കണ്ടെത്തലിനെ തുടര്ന്നാണ് സര്ക്കാര് വിജിലന്സ് അന്വേഷണം പ്രഖ്യാപിച്ചത്.
സ്വപ്ന സുരേഷിന്റെ വ്യാജ സര്ട്ടിഫിക്കറ്റ് അന്വേഷണത്തിനിടെയാണ് നിയമനത്തിലെ അടിമുടിക്രമക്കേടുകള് കൂടി പോലീസ് കണ്ടെത്തിയത്. കോണ്സുലേറ്റില് നിന്നും ജോലി നഷ്ടമായ സ്വപ്നക്ക് വേണ്ടി ഐടിവകുപ്പിന് കീഴിലുള്ള സ്പെയ്സ് പാര്ക്കിലെ ഓപ്പറേഷന് മാനേജറെന്ന തസ്തി സൃഷ്ടിക്കുകയായിരുന്നും. കേന്ദ്ര സര്ക്കാരിന്റെ കീഴിലുള്ള നാഷണല് ഇന്ഫോമാറ്റിക് സര്വീസ് സെന്റര് അഥവാ നിക്സി വഴിയാണ് ഇത്തരം ഉന്നത തസ്തികയിലേക്ക് നിയമനം നല്കേണ്ടത്.
ഐടി മേഖലയിലെ വിദഗ്ധരെ കണ്ടെത്താന് സംസ്ഥാന സര്ക്കാരിനെ സഹായിക്കുകയാണ് നിക്സി. പക്ഷെ സ്വപ്നയുടെ നിയമത്തിന് വേണ്ടി നികസിയെ ഒഴിവാക്കി. നിക്സിയുടെ മാനദണ്ഡപ്രകാരം ഓപ്പറേഷന് മാനേജര് തസ്തികയിലേക്ക് എംബിഎ വേണം. എന്നാല് ബിരുദത്തിന്റെ വ്യജ സര്ട്ടിഫിക്കറ്റ് മാത്രമുള്ള സ്വപ്നയ്ക്ക് നിയമനം നല്കാന് പ്രൈസ് വാട്ടര് കൂപ്പറിനെ ഉന്നതതല ഇടപെടലൂടെ ചുമതലപ്പെടുത്തി. ഇതിനായി സര്ക്കാര് ഉത്തരവില്ല. പ്രൈസ് വാട്ടര്കൂപ്പര് നിയമനം വിഷന് ടെക്ക് എന്ന സ്ഥാപനത്തെ ഏല്പ്പിച്ചു.
തട്ടിപ്പ് മനസിലാക്കിയതിനാലാകണം നിയമനം പിബ്ല്യുസി മറ്റൊരു ഏജന്സിയ്ക്ക് കൈമാറിയതെന്നാണ് അന്വേഷണ ഏജന്സികള് സംശയിക്കുന്നത്. സ്വപ്നയുടെ സര്ട്ടിഫിക്കറ്റ് പരിശോധിക്കാന് വിഷന്ടെക് ഏല്പ്പിച്ചത് ഗുഡ്ഗാവിലുള്ള നോ-വി എന്ന സ്ഥാപനത്തെ. മൂന്ന് കമ്പനികള് പരിശോധിച്ചിട്ടും സ്വപ്നയുടേത് വ്യാജ ബിരുദമാണെന്ന് എന്തുകൊണ്ട് കണ്ടെത്തിയില്ലെന്ന ചോദ്യമാണ് ഉന്നത ഗൂഢാലോനയിലേക്ക് വിരല് ചൂണ്ടുന്നത്. കെഎസ്ഐടിഎല് എംഡി ജയശങ്കര് പ്രസാദാണ് സ്വപ്നയെ നിയമിക്കാന് ശുപാര്ശ ചെയ്തതെന്ന പിഡബ്ള്യുസി ഇന്നലെ കോടതിയെ അറിയിച്ചിരുന്നു. പോലീസ് അന്വേഷണത്തെ തുടര്ന്നുള്ള വിജിലന്സ് അന്വേഷണത്തിലും പിഡബ്യൂസി ഈ നിലപട് ആവര്ത്തിച്ചാല് സര്ക്കാര് കൂടുതല് പ്രതിരോധത്തിലാകും.
അതെ സമയം സ്വപ്നാ സുരേഷും പി.എസ്. സരിത്തും കോടതിയില് നല്കുന്ന മൊഴികളില് ചില 'പ്രധാനികളുടെ' പേരുണ്ടെന്ന് സൂചന. ഇതിലൂടെ 'വമ്പന് സ്രാവുകള്' എന്ന് കോടതിരേഖയില് വിശേഷിപ്പിച്ചവരുടെ അറസ്റ്റുകളും ഉടനുണ്ടാകും. മജിസ്ട്രേറ്റിനുമുന്നില് സ്വമേധയാ കുറ്റസമ്മതമൊഴി നല്കുന്ന സ്വപ്നയും സരിത്തും മാപ്പുസാക്ഷികളായേക്കും. എറണാകുളം ജുഡീഷ്യല് ഫസ്റ്റ്ക്ലാസ് കോടതിയില് സ്വപ്നയും സരിത്തും നല്കുന്ന രഹസ്യമൊഴി കേസിന്റെ ഗതി മാറ്റുന്നതായിരിക്കും. മുന് ഐ.ടി. സെക്രട്ടറി എം. ശിവശങ്കറിന് പുറമേ കേരളത്തിനുള്ളിലും വിദേശത്തുമുള്ള ചില പ്രമുഖര്ക്കുകൂടി ഡോളര്ക്കടത്ത് കേസില് പങ്കുണ്ടെന്ന് കസ്റ്റംസിനോട് സ്വപ്നയും സരിത്തും വെളിപ്പെടുത്തിയിരുന്നു. ഇതിനുശേഷമാണ് കോടതിയില് രഹസ്യമൊഴി നല്കാനുള്ള തീരുമാനമുണ്ടായത്.
https://www.facebook.com/Malayalivartha