'കുട്ടികൾക്കായി ഫ്ലെമിംഗോ കൊക്കുകളുടെ രൂപമുണ്ടാക്കി അതിൽ ലൈബ്രറിയിൽ വരുന്ന കുട്ടികളെ കൊണ്ട് ചിത്രങ്ങൾ വരപ്പിച്ച് പ്രദർശിപ്പിച്ചിരിക്കുന്നു. ചുരുക്കത്തിൽ വളരെ സജീവവും ജൈവവുമാണ് ലൈബ്രറിയുടെ അന്തരീക്ഷം. അവിടെ എത്തിയാലും ആരും പ്രത്യേകിച്ച് കുട്ടികൾ പുസ്തകപ്രേമികളായി മാറും...' ഇഖ്ബാൽ ബാപ്പുകുഞ്ചു കുറിക്കുന്നു
ടെക്സാസിലെ ലൈബ്രറികളെ കുറിച്ച് വ്യക്തമാക്കുകയാണ് ഡോ. ഇഖ്ബാൽ ബാപ്പുകുഞ്ചു. കുട്ടികളെ കൂടുതൽ ആകർഷിക്കാനായി വിവിധ തരത്തിൽ നിരവധി കാര്യങ്ങളാണ് ഉൾപ്പെടുത്തിയിരിക്കുന്നത്.
ഫേസ്ബുക്ക് കുറിപ്പ് ഇങ്ങനെ;
ടെക്സാസ് സംസ്ഥാനത്തെ സൻ അന്റോണിയോ നഗരത്തിലാണ് മകനും കുടുബവും താമസിക്കുന്നത്. ഇവിടെ അടുത്തുള്ള പർമാൻ ലൈബ്രറിയിൽ നിന്നാണ് കൊച്ച് മക്കളടക്കം പുസ്തകമെടുക്കുന്നത്. സൻ അന്റോണിയിൽ കേന്ദ്രലൈബ്രറിക്ക് കീഴിൽ 29 ലൈബ്രറികളാണുള്ളത്. എല്ലാ ലൈബ്രറികളിലുമുള്ള പുസ്തകങ്ങൾ ഉൾപ്പെടുത്തിയ യൂണിയൻ കാറ്റലോഗിംഗ് ഉണ്ട്. ഏത് ലൈബ്രറിയിലെ പുസ്തകവും ആവശ്യാനുസരണം ലഭ്യമാക്കിതരും.
ഇന്നലെ പർമാൻ ലൈബ്രറിയിൽ അല്പസമയം ചെലവിട്ടു, വളരെ സജീവമാണ് ഇവിടെ ലൈബ്രറികൾ , പലപല പരിപാടികൾ പ്രത്യേകിച്ച് കുട്ടികളെ ലക്ഷ്യമാക്കി ഇവിടെ സംഘടിപ്പിച്ച് വരുന്നു, ഇന്നലെ Wizard Festival ആയിരുന്നു സംഘടിപ്പിച്ചിരുന്നത്, അല്പം വൈകിപ്പോയത് കൊണ്ട് പങ്കെടുക്കാൻ കഴിഞ്ഞില്ല. ഫെസ്റ്റിവലിന്റെ ഭാഗമായി Wizard Chess തുടങ്ങിയ കളികൾ സംഘടിപ്പിച്ചിരുനു. സംഘാടകയായ മുഖ്യ Wizard ന്റെ ഫോട്ടോയെടുക്കാൻ കഴിഞ്ഞു.
ബുക്ക് സ്റ്റാളുകളിൽ നിന്നും വാങ്ങി വായിച്ച് കഴിഞ്ഞ് പുസ്തകങ്ങൾ ലൈബ്രറിക്ക് സംഭാവനയായി നൽകാം. അവ കുറഞ്ഞ വിലക്ക് (1-2 ഡോളർ) ലൈബ്രറി അംഗങ്ങൾക്ക് വിൽക്കുന്നു. ടെക്റ്റ് ബുക്കുകൾ നൽകിയാൽ അവ 3 ഡോളറിന് വിൽക്കും. ഒരു മികച്ച പെയിറ്റിംഗ് എക്സിബിഷനും നടക്കുന്നുണ്ടായിരുന്നു.
കുട്ടികൾക്കായി ഫ്ലെമിംഗോ കൊക്കുകളുടെ രൂപമുണ്ടാക്കി അതിൽ ലൈബ്രറിയിൽ വരുന്ന കുട്ടികളെ കൊണ്ട് ചിത്രങ്ങൾ വരപ്പിച്ച് പ്രദർശിപ്പിച്ചിരിക്കുന്നു. ചുരുക്കത്തിൽ വളരെ സജീവവും ജൈവവുമാണ് ലൈബ്രറിയുടെ അന്തരീക്ഷം. അവിടെ എത്തിയാലും ആരും പ്രത്യേകിച്ച് കുട്ടികൾ പുസ്തകപ്രേമികളായി മാറും.
https://www.facebook.com/Malayalivartha