ക്രുണാല് പാണ്ഡ്യ സഹതാരങ്ങളുടെ മുന്നില് വച്ച് അപമാനിച്ചു; ദീപക് ഹൂഡ ബറോഡ ടീം വിട്ടു
ബറോഡ ക്യാപ്റ്റന് ക്രുണാല് പാണ്ഡ്യ തന്നെ സഹതാരങ്ങളുടെ മുന്നില് വച്ച് അപമാനിച്ചുവെന്ന ആരോപണവുമായി ദീപക് ഹൂഡ. ഇതേ തുടര്ന്ന് ദീപക് ഹൂഡ ബറോഡ ടീം വിട്ടു. ഇന്ത്യയില് കോവിഡ് സാഹചര്യങ്ങള്ക്കിടയില് സയ്യിദ് മുഷ്താഖ് അലി ട്രോഫി മത്സരങ്ങള് തുടങ്ങാനിരിക്കെയാണ് വിവാദം ഉയര്ന്നത്. ഇത് സംബന്ധിച്ച് അസോസിയേഷന് പരാതി നല്കി ഹൂഡ.
ക്രുണാല് വളരെ മോസമായിട്ടാണ് തന്നോട് പെരുമാറുന്നതെന്നും കരിയര് അവസാനിപ്പിക്കുമെന്ന് ഭീഷണിപ്പെടുത്തിയെന്നും ബറോഡ ക്രിക്കറ്റ് അസോസിയേഷന് ദീപക് ഹൂഡ നല്കിയ പരാതിയില് പറയുന്നു.
'ബറോഡ ക്രിക്കറ്റ് അസോസിയേഷന്റെ കീഴില് 11 വര്ഷമായി കളിക്കുകയാണ് ഞാന്. നിലവില് സയ്യിദ് മുഷ്താഖ് അലി ട്രോഫിക്കുള്ള ടീമിലേക്കും എന്നെ തിരഞ്ഞെടുത്തിട്ടുണ്ട്. എന്നാല് ഇപ്പോള് ഞാന് കടുത്ത നിരാശയിലും വിഷമത്തിലും സമ്മര്ദ്ദത്തിലുമാണ്. കുറച്ച് ദിവസങ്ങളായി ടീം ക്യാപ്റ്റന് വളരെ മോശമായാണ് എന്നോട് പെരുമാറുന്നത്. മോശം ഭാഷയില് സംസാരിക്കുകയും അപമര്യാദയായി പെരുമാറുകുയും ചെയ്യുന്നു. ബറോഡയിലെ സഹതാരങ്ങളുടെയും വഡോദരയിലെ റിലയന്സ് സ്റ്റേഡിയത്തില് പരിശീലിക്കാനെത്തുന്ന മറ്റ് ടീമുകളിലെ താരങ്ങളുടെയും മുന്നില് വച്ചാണ് അപമാനിച്ചത്' ഹൂഡ നല്കിയ പരാതിയില് പറയുന്നു.
താനാണ് ക്യാപ്റ്റനെന്നും ടീമിന്റെ കാര്യങ്ങള് താനാണ് നോക്കുന്നതെന്നും പറഞ്ഞ് ഹുഡയുടെ പരിശീലനത്തില് തടസ്സം സൃഷ്ടിക്കുകയും ചെയ്തുവെന്നും പരാതിയില് പറയുന്നു. ഇതിഹാസ തുല്യമായ ക്യാപ്റ്റന്മാരോടൊപ്പം കളിക്കാനുള്ള ഭാഗ്യം ലഭിച്ചിട്ടുണ്ട് എന്നാല് ക്രുണാലിനെപ്പോലെ മോശം ക്യാപ്റ്റനെ ഇന്നു വരെ കണ്ടിട്ടില്ലെന്നും. ഇപ്പോഴത്തെ സാഹചര്യത്തില് ഏറ്റവും മികച്ച പ്രകടനം പുറത്തെടുക്കാന് എന്നിക്കാകില്ലെന്ന് അസോസിയേഷന് നല്കിയ പരാതിയില് ഹൂഡ വ്യക്തമാക്കി. പരാതിയുടെ അടിസ്ഥാനത്തില് ബറോഡ ക്രിക്കറ്റ് അസോസിയേഷന് ടീം മനേജ്മെന്റിനോട് റിപ്പോര്ട്ട് തേടി.
https://www.facebook.com/Malayalivartha
