ലോക ടെസ്റ്റ് ചാന്പ്യന്ഷിപ്പിന്റെ ഫൈനലിന് യോഗ്യത നേടി ഇന്ത്യ; ഇംഗ്ലണ്ടിനെതിരെ ഇന്നിംഗ്സ് ജയം കരസ്ഥമാക്കി ഇന്ത്യ
ഇംഗ്ലണ്ടിനെതിരെ ഇന്നിംഗ്സ് ജയം കരസ്ഥമാക്കി ഇന്ത്യ. ജയത്തോടെ ലോക ടെസ്റ്റ് ചാന്പ്യന്ഷിപ്പിന്റെ ഫൈനലിന് ഇന്ത്യ യോഗ്യത നേടി. ഇന്നിംഗ്സിനും 25 റണ്സിനുമാണ് ഇന്ത്യയുടെ വിജയം. ജയത്തോടെ 3-1 ഇന്ത്യ പരന്പര സ്വന്തമാക്കി.
ഇംഗ്ലണ്ടിന്റെ രണ്ടാം ഇന്നിംഗ്സ് 135 റണ്സില് അവസാനിച്ചു. അക്സര് പട്ടേലിന്റെയും രവിചന്ദ്രന് അശ്വിന്റെ മിന്നും പ്രകടമാണ് ഇന്ത്യയ്ക്ക് അനായാസ വിജയം സമ്മാനിച്ചത്. സ്കോര് ഇന്ത്യ-365, ഇംഗ്ലണ്ട് 205 & 135
50 റണ്സ് നേടിയ ഡാനിയേല് ലോറന്സ് ആണ് ഇംഗ്ലണ്ടിന്റെ ടോപ് സ്കോറര്. ജോ റൂട്ട് 30 റണ്സ് നേടി. ഇന്ത്യയ്ക്കായി അക്സര് പട്ടേലും അശ്വിനും അഞ്ച് വിക്കറ്റ് വീതം വീഴ്ത്തി. ഒന്നാം ഇന്നിംഗ്സില് 205 റണ്സ് മാത്രം നേടാനാണ് ഇംഗ്ലണ്ടിനായത്. ഒന്നാം ഇന്നിംഗ്സില് ഇംഗ്ലണ്ടിനായി 55 റണ്സ് നേടിയ സ്റ്റോക്സാണ് ടോപ്പ് സ്കോറര്. ലോറന്സ് 46 റണ്സും നേടിയിരുന്നു.
ഋഷഭ് പന്തിന്റെ (101) സെഞ്ചുറിയുടെയും വാഷിംഗ്ടണ് സുന്ദറിന്റെ (96) അര്ധസെഞ്ചുറിയുടെയും കരുത്താണ് ഇന്ത്യ ഒന്നാം ഇന്നിംഗ്സില് 365 റണ്സ് നേടിയത്. രണ്ട് ഇന്നിംഗ്സുകളില്നിന്നായി അക്സര് പട്ടേല് ഒന്പത് വിക്കറ്റും അശ്വിന് എട്ട് വിക്കറ്റും നേടി.
https://www.facebook.com/Malayalivartha