മലയാളി താരം ദേവ്​ദത്ത്​ പടിക്കലും (101*) ക്യാപ്​റ്റന്‍ വിരാട്​ കോഹ്​ലിയും (72*) അടിച്ചുതകര്‍ത്തപ്പോള്‍ രാജസ്​ഥാന്‍ റോയല്‍സിനെതിരെ, റോയല്‍ ചലഞ്ചേഴ്​സ്​ ബാംഗ്ലൂരിന്​ വമ്ബന്‍ ജയം. രാജസ്​ഥാന്‍ ഉയര്‍ത്തിയ 178 റണ്‍സ്​ വിജയലക്ഷ്യം 21 പന്ത്​ ബാക്കിനില്‍ക്കെ വിക്കറ്റൊന്നും നഷ്​ടമാവാതെ​ ബാംഗ്ലൂര്‍ മറികടന്നത്​. 52 പന്തില്‍നിന്നാണ്​ പടിക്കല്‍ 101 റണ്‍സ്​ നേടിയത്​. ആറ്​ സിക്​സും 11 ഫോറും ഉള്‍പ്പെടുന്നതാണ്​ ഇന്നിങ്​സ്​. 47 പന്തില്‍നിന്നാണ്​ കോഹ്​ലി 72 റണ്‍സെടുത്തത്​. ഇതോടെ കോഹ്​ലി ഐ.പി.എല്ലില്‍ 6000 റണ്‍സ്​ പിന്നിട്ടു.

നേരത്തെ തകര്‍ച്ചയിലേക്ക്​ കൂപ്പുകുത്തുമെന്ന്​ തോന്നിപ്പിച്ച രാജസ്​ഥാന്‍ റോയല്‍സിനെ ശിവം ദുബെ (32 പന്തില്‍ 46), രാഹുല്‍ തെവാത്തിയ (23 പന്തില്‍ 40) എന്നിവരുടെ കൂറ്റന്‍ അടികളാണ്​ ടീമിനെ കരകയറ്റിയത്​. ക്യാപ്​റ്റര്‍ സഞ്​ജു സാംസണ്‍ (21), റിയാന്‍ പരാഗ്​ (25) എന്നിവരും മികച്ച പിന്തുണ നല്‍കി. ​

രണ്ടാമത്തെ ഓവറില്‍ ജോസ്​ ബട്ട്​ലെറിന്‍റെ കുറ്റി തെറിപ്പിച്ച്‌​ സിറാജാണ്​ ബാംഗ്ലൂരിനായി വിക്കറ്റ്​ വേട്ട തുടങ്ങിയത്​. അടുത്തടുത്ത ഓവറുകളില്‍ മനാന്‍ ​വൊഹ്​റയും ഡേവിഡ്​ മില്ലറും പുറത്തായി. സഞ്​ജുവിന്‍റെ ചെറുത്തുനില്‍പ്പിനും വലിയ ആയുസ്സുണ്ടായിരുന്നില്ല. എട്ടാമത്തെ ഓവറില്‍ നായകന്‍ മടങ്ങു​േമ്ബാള്‍ ടീം സ്​കോര്‍ 43-4.

പിന്നീട്​ ശിവം ദുബെയും റിയാന്‍ പരാഗും ചേര്‍ന്ന്​ 66 റണ്‍സിന്‍റെ കൂട്ടുകെട്ട്​ പടുത്തുയര്‍ത്തു. അവസാന ഓവറുകളില്‍ തെവാത്തിയ സ്​കോറിങ്ങിന്​ വേഗം കൂട്ടി. ബാംഗ്ലൂരിനായി മുഹമ്മദ്​ സിറാജും ഹര്‍ഷല്‍ പ​േട്ടലും​ മൂന്ന്​ വിക്കറ്റ്​ വീതം വീഴ്​ത്തി.