ഇന്ന് നിര്ണായകം.... രഞ്ജി ട്രോഫി ക്രിക്കറ്റില് കേരളം ഇന്ന് കരുത്തരായ മുംബൈക്കെതിരെ ഇറങ്ങും....
ഇന്ന് നിര്ണായകം.... രഞ്ജി ട്രോഫി ക്രിക്കറ്റില് കേരളം ഇന്ന് കരുത്തരായ മുംബൈക്കെതിരെ ഇറങ്ങും....തുമ്പ സെന്റ് സേവിയേഴ്സ് കോളജ് ഗ്രൗണ്ടില് നടക്കുന്ന മത്സരം കേരളത്തെ സംബന്ധിച്ച് നിര്ണായകമാണ്. രണ്ട് കളിയില്നിന്ന് നാല് പോയന്റുമായി ഗ്രൂപ് ബിയില് അഞ്ചാംസ്ഥാനത്താണ് കേരളം.
എന്നാല് കളിച്ച രണ്ട് കളികളിലും തകര്പ്പന് ജയത്തോടെ 14 പോയന്റുമായി ഗ്രൂപ്പില് ഒന്നാംസ്ഥാനത്താണ് മുംബൈ. അഫ്ഗാനിസ്ഥാനെതിരായ മത്സരത്തിന് ശേഷം തിരുവനന്തപുരത്തെത്തിയ ഇന്ത്യന് താരം സഞ്ജു സാംസണിന്റെ നേതൃത്വത്തിലായിരിക്കും കേരളം ഇന്ന് കളിക്കാനിറങ്ങുക. ഇന്ത്യന് ക്യാമ്പിലായതിനാല് അസമിനെതിരായ കഴിഞ്ഞ മത്സരത്തില് സഞ്ജു ഇറങ്ങിയിരുന്നില്ല. പകരം വൈസ് ക്യാപ്റ്റന് രോഹന് കുന്നുമലാണ് ടീമിനെ നയിച്ചത്.
ആന്ധ്രയെ 10 വിക്കറ്റിന് തകര്ത്തതിന്റെ ആത്മവിശ്വാസത്തിലാണ് ഇന്ത്യന്താരം അജിങ്ക്യ രഹാനെയുടെ നേതൃത്വത്തിലുള്ള മുംബൈ സംഘം തിരുവനന്തപുരത്തെത്തിയിട്ടുള്ളത്്. തലപ്പൊക്കമുള്ള മുംബൈയുടെ ബാറ്റിങ് നിരയെ തുമ്പയിലെ പിച്ചില് പിടിച്ചുകെട്ടുകയെന്നത് കേരള ബൗളര്മാര്ക്ക് വെല്ലുവിളിയാകും.
രഹാനെക്ക് പുറമെ ഇന്ത്യന് താരങ്ങളായ ശ്രേയസ് അയ്യര്, ശിവം ദുബേ, യശ്വസി ജയ്സ്വാള് തുടങ്ങിയവരാണ് ബാറ്റിങ്ങിന്റെ നട്ടെല്ല്. ഇംഗ്ലണ്ട് ലയണ്സിനെതിരായ മത്സരത്തിന് ശേഷം സൂപ്പര്താരം സര്ഫ്രാസ് ഖാനും ടീമിലേക്കെത്തുമ്പോള് മുംബൈക്ക് തിരിഞ്ഞുനോക്കാനില്ല. ഇന്ത്യന് താരം ധവാല് കുല്ക്കര്ണിയുടെ നേതൃത്വത്തിലുള്ള ബൗളിങ് നിരയും മിന്നുന്ന ഫോമിലാണ്.
https://www.facebook.com/Malayalivartha
