രഞ്ജി ട്രോഫിയില് ഛത്തീസ്ഗഡിനെതിനെതിരെ കേരളം... ടീമില് തിരിച്ചെത്തി സഞ്ജു
രഞ്ജി ട്രോഫിയില് ഛത്തീസ്ഗഡിനെതിനെതിരെ കേരളം... ടോസ് നേടിയ ഛത്തീസ്ഗഡ് ക്യാപ്റ്റന് അമന്ദീപ് ഖാരെ കേരളത്തെ ബാറ്റിംഗിനയക്കുകയായിരുന്നു. വ്യക്തിപരമായ കാരണങ്ങളെ തുടര്ന്ന് കഴിഞ്ഞ മത്സരം കളിക്കാതിരുന്ന ക്യാപ്റ്റന് സഞ്ജു സാംസണ് ടീമില് തിരിച്ചെത്തി.
സഞ്ജു തിരിച്ചെത്തിയപ്പോള് അക്ഷയ് ചന്ദ്രന് പുറത്തായി. വിഷ്ണു രാജിന് പകരം മുഹമ്മദ് അസറുദ്ദീന് വിക്കറ്റ് കീപ്പറാവും. ആനന്ദ് കൃഷ്ണനും സ്ഥാനം നഷ്ടമായി. സീനിയര് താരം രോഹന് പ്രേം തിരിച്ചെത്തി.
തുടക്കത്തില് തന്നെ കേരളത്തിന് ആദ്യ വിക്കറ്റ് നഷ്ടമായി. റണ്സെടുക്കും മുമ്പ് രോഹന് കുന്നുമ്മലിനെ രവി കിരണ് ബൗള്ഡാക്കി. ഇപ്പോള് ജലജ് സക്സേന (0), രോഹന് പ്രേം (4) എന്നിവരാണ് ക്രീസില്. ഗ്രൂപ്പ് ബിയില് കേരളം ബിഹാറിനും താഴെ ഏഴാം സ്ഥാനത്താണ്.
അസം മാത്രമാണ് കേരളത്തിന് പിന്നില്. നാല് മത്സരങ്ങളില് മൂന്ന് സമനിലയാണ് കേരളത്തിന്. ഒരു തോല്വിയും. നാല് പോയിന്റ് മാത്രമാണ് ടീമിനുള്ളത്. ഇതുള്പ്പെടെ മൂന്ന് മത്സരങ്ങാണ് ഇനി കേരളത്തിന് അവശേഷിക്കുന്നത്. ഇത് മൂന്നും ജയിച്ചാല് പോലും കേരളം നോക്കൗട്ടിലെത്തുമോ എന്ന് കണ്ടറിയേണ്ടതുണ്ട്.
കേരളം: രോഹന് കുന്നുമ്മല്, ജലജ് സക്സേന, രോഹന് പ്രേം, സച്ചിന് ബേബി, സഞ്ജു സാംസണ്, വിഷ്ണു വിനോദ്, മുഹമ്മദ് അസറുദ്ദീന്, ശ്രേയസ് ഗോപാല്, നിതീഷ് എം ഡി, ബേസില് തമ്പി, അഖിന് സത്താര്.
അവസാനം ബിഹാറിനെ കളിച്ച മത്സരം സമനിലയില് ആയിരുന്നു. 150 റണ്സിന്റെ കടവുമായി രണ്ടാം ഇന്നിംഗ്സ് ബാറ്റിംഗ് ആരംഭിച്ച കേരളം നാല് വിക്കറ്റ് നഷ്ടത്തില് 220 റണ്സെടുത്തിരിക്കെ സമനിലയില് അവസാനിപ്പിക്കുകയായിരുന്നു.
https://www.facebook.com/Malayalivartha