ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില് വിജയം ലക്ഷ്യമിട്ട് ഇംഗ്ലണ്ട് പൊരുതുന്നു....
ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില് വിജയം ലക്ഷ്യമിട്ട് ഇംഗ്ലണ്ട് പൊരുതുന്നു. ഒരു വിക്കറ്റ് നഷ്ടത്തില് 67 റണ്സെന്ന നിലയില് നാലാം ദിനം തുടങ്ങിയ ഇംഗ്ലണ്ട് മികച്ച രീതിയില് മുന്നേറി. സ്കോര് 95ല് നില്ക്കെ അവര്ക്ക് രണ്ടാം വിക്കറ്റ് നഷ്ടമായി. 399 റണ്സാണ് ഇംഗ്ലണ്ടിനു ജയിക്കാന് വേണ്ടത്.
നിലവില് അവര് രണ്ട് വിക്കറ്റ് നഷ്ടത്തില് 112 റണ്സെന്ന നിലയില്. 46 റണ്സുമായി സാക് ക്രൗളിയും 10 റണ്സുമായി ഒല്ലി പോപ്പുമാണ് ക്രീസില്. എട്ട് വിക്കറ്റുകള് ശേഷിക്കേ ജയത്തിലേക്ക് വേണ്ടത് 287 റണ്സ്. ഇന്നലെ ബെന് ഡുക്കറ്റിനെയാണ് അവര്ക്ക് ആദ്യം നഷ്ടമായത്.
നാലാം ദിനത്തില് ആദ്യം മടങ്ങിയത് രാത്രി കാവല്ക്കാരന് രഹാന് അഹമദ്. താരം 23 റണ്സെടുത്തു. അക്ഷര് പട്ടേലിനാണ് വിക്കറ്റ്. നേരത്തെ ബെന് ഡുക്കറ്റിനെ ആര് അശ്വിനാണ് പുറത്താക്കിയത്.
രണ്ടാം ഇന്നിങ്സില് ഇന്ത്യയുടെ പോരാട്ടം 255 റണ്സില് അവസാനിക്കുകയും ചെയ്തു. ഒന്നാം ഇന്നിങ്സില് 143 റണ്സ് ലീഡുമായാണ് ഇന്ത്യ രണ്ടാം ഇന്നിങ്സ് ആരംഭിച്ചത്്. ഇന്ത്യ ഒന്നാം ഇന്നിങ്സില് 396 റണ്സില് പുറത്തായി. ഇംഗ്ലണ്ടിന്റെ ഒന്നാം ഇന്നിങ്സ് 253 റണ്സില് അവസാനിപ്പിച്ചാണ് ഇന്ത്യ രണ്ടാം ഇന്നിങ്സ് ആരംഭിച്ചത്.
https://www.facebook.com/Malayalivartha