ഇന്ത്യയിലേക്കും ഡേ-നൈറ്റ് ടെസ്റ്റ് മത്സരങ്ങൾ വരുന്നു. ഏകദിന മത്സരങ്ങൾ ഡേ-നൈറ്റ് നടത്തുമെങ്കിലും ഇന്ത്യയിൽ ഇതുവരെ ഡേ-നൈറ്റ് ടെസ്റ്റ് നടന്നിട്ടില്ല. ഓസ്ട്രേലിയയിലും ദക്ഷിണാഫ്രിക്കയിലും ഡേ നൈറ്റ് ടെസ്റ്റുകള്‍ക്ക് ലഭിച്ച സ്വീകാര്യതയാണ് ഇന്ത്യയിലും ഇത് പരീക്ഷിക്കാൻ ബിസിസിഐയെ പ്രേരിപ്പിക്കുന്നത്.

ഡേ-നൈറ്റ് ടെസ്റ്റുകൾ നടക്കുന്നത് സംബന്ധിച്ച് ചർച്ചകൾ ശരിയായ ദിശയില്‍ ചെന്നെത്തിയാല്‍ വരുന്ന ഒക്ടോബറില്‍ തന്നെ ഇന്ത്യ ഡേ-നൈറ്റ് ടെസ്റ്റിന് വേദിയാകും. എന്നാൽ ഇത് സംബന്ധിച്ച് അന്തിമ തീരുമാനം ആയിട്ടില്ല.

വിന്‍ഡീസ് ക്രിക്കറ്റ് ടീമിന്റെ ഇന്ത്യന്‍ പര്യടനത്തിലാവും ഡേ-നൈറ്റ് ടെസ്റ്റിനു അരങ്ങേറ്റം സംഭവിക്കുവാനുള്ള സാധ്യതയെണ് ബിസിസിഐ ക്രിക്കറ്റ് ഓപ്പറേഷന്‍സ് ജനറല്‍ മാനേജര്‍ സാബ കരീം കഴിഞ്ഞ ദിവസം വ്യക്തമാക്കി.