ദക്ഷിണാഫ്രിക്കയ്‌ക്കെതിരെ നാലാം ടെസ്റ്റില്‍ ഓസ്‌ട്രേലിയക്ക് നാണംകെട്ട തോൽവി. 612 റണ്‍സ് വിജയലക്ഷ്യവുമായി ഇറങ്ങിയ ഓസ്ട്രേലിയ രണ്ടാം ഇന്നിംഗ്‌സിൽ 119 റണ്‍സിന് എല്ലാവരും പുറത്തായി. വിജയത്തോടെ ദക്ഷിണാഫ്രിക്ക ടെസ്റ്റ് പരമ്പര 3-1നു സ്വന്തമാക്കി.

റണ്‍സ് അടിസ്ഥാനത്തില്‍ ദക്ഷിണാഫ്രിക്കയുടെ ഏറ്റവും വലിയ വിജയമാണിത്. ആറ് വിക്കറ്റെടുത്ത പേസ് ബൗളര്‍ വെര്‍ണോണ്‍ ഫിലാന്‍ഡറാണ് ഓസീസിനെ തകര്‍ത്തത്. അവസാന ദിവസം വീണ ഏഴ് വിക്കറ്റുകളിൽ ആറ് വിക്കറ്റും സ്വന്തമാക്കിയത് ഫിലാന്‍ഡറാണ്. 21 റണ്‍സ് വഴങ്ങിയാണ് ഫിലാന്‍ഡര്‍ 6 വിക്കറ്റ് നേടിയത്.

ഓസ്‌ട്രേലിയയ്ക്ക് വേണ്ടി ജോ ബേണ്‍സ് 42 റൺസും പീറ്റര്‍ ഹാന്‍ഡ്സ്കോമ്പ് 24 റണ്‍സും നേടി. സ്‌കോര്‍ : ദക്ഷിണാഫ്രിക്ക : 488, 344/6 (ഡിക്ലയേഡ്), ഓസ്‌ട്രേലിയ : 221, 119.