ഐപിഎല്ലിൽ തിരിച്ചെത്തിയ ചെന്നൈ പുതിയ സീസണിൽ വൻ അഴിച്ചുപണിക്ക്. ലോക ക്രിക്കറ്റിലെ തന്നെ മികച്ച ഫിനിഷറായ ധോണിയെ മുൻനിരയിൽ കളിപ്പിക്കാനാണ് ചെന്നൈയുടെ തീരുമാനം. പരിശീലകന്‍ സ്റ്റീഫണ്‍ ഫ്‌ളെമിംഗ് ആണ് ധോണിയ്ക്ക് ബാറ്റിംഗില്‍ സ്ഥാനകയറ്റമുണ്ടാകുമെന്ന് സൂചന നല്‍കിയത്.

ചെന്നൈ നിരയില്‍ കേഥര്‍ ജാഥവ്, അമ്പാട്ടി റായിഡു, രവീന്ദ്ര ജഡേജ, ഡ്വെയിന്‍ ബ്രാവോ എന്നിവരുളളതാണ് ഫിനിഷറുടെ റോളില്‍ ധോണിയെ പരീക്ഷിക്കേണ്ടെന്ന തീരുമാനത്തില്‍ ചെന്നൈ മാനേജുമെന്റ് എത്തിരിയിക്കുന്നത്.

എന്നാൽ കരിയറിന്റെ അവസാനത്തിൽ എത്തി നില്‍ക്കുന്ന ധോണിയുടെ ഫിനിഷിംഗ് പാടവത്തില്‍ വിള്ളല്‍ വീണോയെന്ന് ആശങ്ക ആരാധകര്‍ക്കിടയില്‍ ഉയര്‍ന്നിട്ടുണ്ട്. കഴിഞ്ഞ കുറെ മത്സരങ്ങളിലായി പഴയതുപോലെ വന്നയുടനെ വേഗത്തില്‍ സ്‌കോര്‍ ചെയ്യാൻ ധോണിക്ക് കഴിഞ്ഞിരുന്നില്ല.

ഈ സാഹചര്യത്തിൽ ധോണിയെ മുൻനിരയിൽ കളിപ്പിച്ചാൽ ക്രീസിൽ കൂടുതൽ സമയം ചിലവഴിക്കാനും സ്കോർ ചെയ്യാനും സാധിക്കും. ധോണിയുടെ പൊസിഷൻ മാറ്റിയതിനെ ആകാംക്ഷയോടെയാണ് ആരാധകർ കാണുന്നത്. ഇതുവരെ റെയ്‌ന ഇറങ്ങിയ നാലാം സ്ഥാനത്തായിരിക്കും ധോണിയെ കളിപ്പിക്കുകയെന്നും സൂചനയുണ്ട്.