അണ്ടര് 23 വനിത ട്വന്റി 20 കിരീടം കേരളത്തിന്; ദേശീയ ടൂര്ണ്ണമെന്റില് കേരളത്തിന് ലഭിക്കുന്ന ആദ്യ കീരീടം
അണ്ടര് 23 വനിത ട്വന്റി 20 ക്രിക്കറ്റ് കീരീടം കേരളത്തിന്. ഫൈനലില് ശക്തരായ മഹാരാഷ്ട്രയെ 5 വിക്കറ്റിനാണ് കേരളം പരാജയപ്പെടുത്തിയത്. ദേശീയ ടൂര്ണ്ണമെന്റില് കേരളത്തിന് ലഭിക്കുന്ന ആദ്യ കീരീടമാണിത്. കിരീടം നേടിയ അണ്ടര് 23 വനിത ക്രിക്കറ്റ് ടീമിന് കേരള ക്രിക്കറ്റ് അസോസിയേഷന് 10 ലക്ഷം രൂപ പാരിതോഷികം പ്രഖ്യാപിച്ചു.
ടോസ് നേടി ബാറ്റിങ്ങ് തെരഞ്ഞെടുത്ത മഹാരാഷ്ട്ര 4 വിക്കറ്റ് നഷ്ടത്തില് 114 റണ്സ് നേടി. മറുപടി ബാറ്റിങ്ങിനിറങ്ങിയ കേരളം 19.5 ഓവറില് 5 വിക്കറ്റ് നഷ്ടത്തില് വിജയലക്ഷ്യം കണ്ടെത്തി. അക്ഷയ. എ (37), ജിലു ജോര്ജ് (22), സജ്ന. എസ് (24) എന്നിവര് മികച്ച ബാറ്റിങ്ങ് പ്രകടനം കാഴ്ച്ച വെച്ചു. സൂപ്പര് ലീഗില് ഗ്രൂപ്പ് ബിയില് ഒന്നാമതായാണ് കേരളം ഫൈനലിലെത്തിയത്.
https://www.facebook.com/Malayalivartha