ഇന്ത്യയുടെ ക്രിക്കറ്റ് മത്സരങ്ങളുടെ സംപ്രേക്ഷണാവകാശം സ്റ്റാര് ഇന്ത്യക്ക്; 6138 കോടി രൂപയ്ക്ക് അഞ്ചു വര്ഷത്തേക്കാണ് സംപ്രേക്ഷണാവകാശം
ഇന്ത്യയുടെ അടുത്ത അഞ്ച് വര്ഷത്തേക്കുള്ള മീഡിയ അവകാശങ്ങള് സ്വന്തമാക്കി സ്റ്റാര് ഇന്ത്യ. 6138.1 കോടി രൂപയ്ക്കാണ് ടെലിവിഷന്, ഡിജിറ്റല് സംപ്രേക്ഷണാവകാശം സ്റ്റാര് ഇന്ത്യ ബി.സി.സി.ഐയില് നിന്ന് വാങ്ങിയത്. 2018 മുതല് 2023 വെര നടക്കുന്ന ഇന്ത്യയുടെ സ്വദേശത്തേയും വിദേശത്തേയും എല്ലാ മത്സരങ്ങളും ഇനി സ്റ്റാര് ഇന്ത്യയിലൂടെ കാണാം.
സോണി പിക്ചേര്സ്, റിലയന്സ് ഇന്ഡസ്ട്രീസ് ലിമിറ്റഡ് എന്നിവരെ പിന്തള്ളിയാണ് സ്റ്റാര് ഇന്ത്യ സംപ്രേക്ഷണാവകാശം നേടിയത്. 2012 മുതല് 2018 വരെയുള്ള സംപ്രേക്ഷണാവകാശം സ്റ്റാര് ഇന്ത്യ 3851 കോടി രൂപയ്ക്കാണ് വാങ്ങിയിരുന്നത്. എന്നാല് ഇത്തവണ ഇത് ഇരട്ടിയോളം വര്ധിച്ചു.
ലേലത്തില് ആറ് കമ്പനികള് പങ്കെടുക്കുമെന്നാണ് അറിയിച്ചിരുന്നതെങ്കിലും ഫേസ്ബുക്കും ഗൂഗിളുമെല്ലാം പിന്മാറുകയായിരുന്നു. ചൊവ്വാഴ്ച ഉച്ചയ്ക്ക് രണ്ട് മണിക്ക് ആരംഭിച്ച ലേലം മൂന്നാം ദിവസത്തിലേക്ക് നീങ്ങിയപ്പോള് സ്റ്റാര് വിജയികളായി എത്തുകയായിരുന്നു.
സ്റ്റാര് ഇന്ത്യ നേരത്തെ ഇന്ത്യന് പ്രീമിയര് ലീഗിന്റെ സംപ്രേക്ഷണാവകാശവും നേടിയിരുന്നു. നിലവിലെ കരാറനുസരിച്ച് ഇന്ത്യയുടെ ഒരു മത്സരത്തിന് 60 കോടി രൂപ വീതമാണ് സംപ്രേക്ഷണാവകാശത്തില് ബി.സി.സി.ഐയ്ക്ക് ലഭിക്കുക.
https://www.facebook.com/Malayalivartha