റബാഡയ്ക്ക് പരിക്ക്, ഐപിഎല്ലിനില്ല; ഡല്ഹിയ്ക്ക് കനത്ത തിരിച്ചടി
ദക്ഷിണാഫ്രിക്കന് പേസ് ബൗളർ കാഗിസോ റബാഡ ഐപിഎല്ലിനില്ല. പരിക്കേറ്റ റബാഡയ്ക്ക് മൂന്ന് മാസത്തോളം വിശ്രമം വേണ്ടിവരുമെന്നാണ് അറിയുന്നത്. ജോഹാന്നസ്ബര്ഗിലെ ഓസ്ട്രേലിയയ്ക്കെതിരെയുള്ള അവസാന ടെസ്റ്റിനിടെയാണ് താരത്തിനു പുറംവേദന അനുഭവപ്പെട്ടത്. പിന്നീടുള്ള സ്കാനിംഗില് താരത്തിന്റ പരിക്ക് കണ്ടെത്തുകയായിരുന്നു.
ഇതോടെ ഐപിഎല്ലിൽ ഡൽഹി ഡെയര് ഡെവിള്സിന് കനത്ത തിരിച്ചടിയായി. ഗൗതം ഗംഭീർ നയിക്കുന്ന ഡൽഹി റൈറ്റ് ടു മാച്ച് കാര്ഡ് ഉപയോഗിച്ച് 4.2 കോടി രൂപയ്ക്കാണ് റബാഡയെ സ്വന്തമാക്കിയത്. ഐസിസി ടെസ്റ്റ് റാങ്കിംഗില് ഒന്നാമനായ റബാഡ ജൂലൈയില് ശ്രീലങ്കയ്ക്കു എതിരായി നടക്കുന്ന പരമ്പരയിലായിരിക്കും മടങ്ങിവരിക.
ഐപിഎല് ടെക്നിക്കല് കമ്മിറ്റി അംഗീകരിച്ചാല് ഡല്ഹിയ്ക്ക് മറ്റൊരു താരത്തെ ടീമിൽ ഉൾപ്പെടുത്താം. കിംഗ്സ് ഇലവന് പഞ്ചാബിനെതിരെയാണ് ഡല്ഹിയുടെ ആദ്യ മത്സരം.
https://www.facebook.com/Malayalivartha