ഐപിഎൽ പതിനൊന്നാം സീസൺ ആരംഭിക്കാനിരിക്കെ ക്രിക്കറ്റ് ആരാധകർക്ക് സന്തോഷ വാർത്ത. ഐപിഎൽ മത്സരങ്ങൾ ദൂരദർശനിലും കാണാം. സ്റ്റാറും ദൂരദര്‍ശനും തമ്മിലുള്ള കരാറിന്റെ അടിസ്ഥാനത്തിൽ ചില ഉപാധികളോടെയാണ് മത്സരങ്ങൾ കാണിക്കുക.

ആഴ്ചയില്‍ ഒരു മത്സരം മാത്രമാകും ദൂരദര്‍ശനില്‍ സംപ്രേക്ഷണം ചെയ്യുക. അതും ഒരു മണിക്കൂര്‍ വൈകി. ഈ മത്സരം ഏതാണെന്നുള്ളത് ദൂരദര്‍ശനും സ്റ്റാറും ചേര്‍ന്ന് പിന്നീട് തീരുമാനിക്കും. ദൂരദര്‍ശന് ഇത് വഴി ലഭിക്കുന്ന വരുമാനത്തില്‍ 50 ശതമാനം സ്റ്റാറുമായി പങ്കുവയ്ക്കണമെന്നും കരാറില്‍ പറയുന്നുണ്ട്. ഐപിഎൽ മത്സരങ്ങൾ സംപ്രേഷണം ചെയ്യാനുള്ള അവകാശം നേരത്തെ സ്റ്റാര്‍ ഇന്ത്യ സ്വന്തമാക്കിയിരുന്നു.