കാവേരി പ്രശ്‌നത്തില്‍ സമരം ശക്തമായതോടെ ചെന്നൈയിലെ ഐ.പി.എല്‍ മത്സരങ്ങള്‍ പ്രതിസന്ധിയില്‍. പ്രതിഷേധങ്ങളുടെ ഭാഗമായി ചെന്നൈയിൽ നടക്കുന്ന മത്സരം തടയാനാണ് സമരക്കാരുടെ തീരുമാനം. ഏപ്രില്‍ 10ന് നടക്കുന്ന മത്സരം ബഹിഷ്‌കരിച്ച് വിഷയം ദേശീയ ശ്രദ്ധയിൽ കൊണ്ടുവരാനാണ് സമരക്കാരുടെ നീക്കം.

കാവേരി ബോര്‍ഡ് രൂപീകരിക്കുന്നതുവരെ ചെന്നൈയില്‍ ഐപിഎല്‍ മല്‍സരങ്ങള്‍ നടത്താന്‍ അനുവദിക്കില്ലെന്നാണ് സമരക്കാര്‍ പറയുന്നത്. തമിഴ് സിനിമ ലോകത്ത് നിന്നുവരെ ആളുകൾ സമരത്തിന് പിന്തുണയുമായി രംഗത്തെത്തിയിട്ടുണ്ട്. ഇവർക്കൊപ്പം ചില തീവ്ര തമിഴ് സംഘടനകളും സമരത്തിന് പിന്തുണ നൽകുന്നുണ്ട്.