ഐപിഎല്ലില്‍ ചെന്നൈ സൂപ്പര്‍ കിങ്സിന്റെ ഹോം മത്സരങ്ങള്‍ മാറ്റിവെക്കുന്ന വാര്‍ത്തകള്‍ നിഷേധിച്ച്‌ ടീം മാനേജ്മെന്റ്. ചെന്നൈയില്‍ നടക്കാനിരിക്കുന്ന മത്സരങ്ങളുടെ വേദി കവേരി നദീജല പ്രശ്‌നത്തിന്റെ പേരില്‍ മാറ്റില്ലെന്ന് ഐപിഎല്‍ ചെയര്‍മാന്‍ രാജീവ് ശുക്ല വ്യക്തമാക്കി.

ചെന്നൈയിലെ മത്സരങ്ങൾ നേരത്തേ നിശ്ചയിച്ചതു പ്രകാരം തന്നെ നടക്കും. സ്റ്റേഡിയത്തിൽ ആവശ്യത്തിനു സുരക്ഷ ഏർപ്പെടുത്തും. ഐഎപിഎല്ലിനെ രാഷ്ട്രീയ വിവാദങ്ങളിലേക്കു വലിച്ചിഴയ്ക്കരുതെന്നും രാജിവ് ശുക്ല പറഞ്ഞു. ചെന്നൈയിൽ ഒഴിവാക്കപ്പെടുന്ന മത്സരം തിരുവനന്തപുരം കാര്യവട്ടത്തെ ഗ്രീൻഫീൽഡ് സ്റ്റേഡിയത്തിൽ നടത്താനാകുമെന്ന കേരളത്തിന്റെ പ്രതീക്ഷ ഇതോടെ അവസാനിച്ചു.