ഐപിഎല്ലിൽ കോടികൾ നേട്ടമുണ്ടാക്കി ഇന്ത്യൻ താരങ്ങൾ. ഐപിഎല്ലിലൂടെ ഏറ്റവും അധികം സാമ്പത്തിക നേട്ടമുണ്ടാക്കിയ താരങ്ങളുടെ പട്ടികയില്‍ ആദ്യ സ്ഥാനങ്ങളിൽ ഇന്ത്യൻ താരങ്ങളാണ്. ചെന്നൈ സൂപ്പര്‍ കിംഗ്സ് നായകന്‍ എംഎസ് ധോണി 107.84 കോടി രൂപയാണ് പത്തു വര്‍ഷത്തിനിടെ ഐപിഎല്ലില്‍ നിന്നുമുണ്ടാക്കിയത്. മണിബോള്‍ നടത്തിയ സര്‍വെയാണ് ഐപിഎല്ലിലെ സാമ്പത്തിക നേട്ടമുണ്ടാക്കിയ താരങ്ങളുടെ പട്ടിക പുറത്ത് വിട്ടത്.

മുംബൈ ഇന്ത്യന്‍സ് നായകന്‍ രോഹിത് ശര്‍മയാണ് രണ്ടാം സ്ഥാനത്ത്. 101.60 കോടി രൂപയാണ് താരം സ്വന്തമാക്കിയത്. മൂന്നാം സ്ഥാനത്ത് ഡല്‍ഹി നായകന്‍ ഗൗതം ഗംഭീറാണ്. 94.62 രൂപ കോടി രൂപയാണ് ഗംഭീറിന്റെ നേട്ടം. അതേ സമയം പട്ടികയില്‍ നാലാം സ്ഥാനത്ത് മാത്രമാണ് ഇന്ത്യന്‍ നായകന്‍ വിരാട് കൊഹ്‌ലി. കൊഹ്‌ലി 92.20 കോടി രൂപയാണ് സ്വന്തമാക്കിയത്.

വിദേശ താരങ്ങളുടെ പട്ടികയില്‍ ആദ്യ സ്ഥാനം നേടിയത് എ.ബി. ഡിവില്ലിയേഴ്സാണ്. 69.51 കോടി രൂപയാണ് താരത്തിനു ലഭിച്ചത്. 69.13 കോടി രൂപ നേടിയ ഓസീസ് താരം ഷെയ്ന്‍ വാട്സനാണ് രണ്ടാം സ്ഥാനത്ത്.