പരിശീലകൻ ഡേവിഡ് ജെയിംസിനെതിരെയും ആരോപണം; ബ്ലാസ്റ്റേഴ്സ് വിടാനുള്ള കാരണം വ്യക്തമാക്കി സിഫ്നിയോസ്
ഐഎസ്എൽ നാലാം സീസണിൽ കേരള ബ്ലാസ്റ്റേഴ്സിന്റെ മുന്നേറ്റ താരമായ മാർക് സിഫ്നിയോസ് ബ്ലാസ്റ്റേഴ്സ് വിട്ട് ഗോവയിൽ ചേക്കേറിയതുമായി ബന്ധപ്പെട്ട് നിരവധി വാർത്തകളാണ് പുറത്തു വരുന്നത്. എന്നാൽ ഇതിന് പിന്നിലെ കാരണം വ്യക്തമാക്കി സിഫ്നിയോസ് രംഗത്തെത്തി.
ഒരു യൂറോപ്യന് ക്ലബില് നിന്നുള്ള ഓഫർ മുന്നിൽക്കണ്ടാണ് ബ്ലാസ്റ്റേഴ്സ് വിട്ടത് എന്നാല് അവിടെ അവസരങ്ങള് കുറവേ കിട്ടുമായിരുന്നുള്ളു. ഈ സമയത്താണ് ഗോവയിൽ നിന്നും ഓഫർ വരുന്നത്. ആദ്യ ഇലവനില് തന്നെ ഗോവന് കോച്ച് സ്ഥാനവും വാഗ്ദാനം ചെയ്തിരുന്നുവെന്നും സിഫ്നിയോസ് പറഞ്ഞു. ഇതേ തുടർന്നാണ് ഗോവയിൽ എത്തിയത്.
പരിക്ക് മൂലമല്ല ബ്ലാസ്റ്റേഴ്സിൽ പുറത്തിരുന്നത്. പുതിയ പരിശീലകൻ വന്നതോടെ തന്നോടുളള സമീപനത്തില് മാറ്റമുണ്ടായി. കോച്ചിങ് സ്റ്റാഫിലെ മാറ്റങ്ങളാണ് ടീം മാറിയതിനു പിന്നിലെന്നും അദ്ദേഹം പറഞ്ഞു. കൂടുതല് അവസരങ്ങള് കിട്ടുന്ന ക്ലബിലേക്ക് ചേക്കേറുകയെന്ന ഒരു പ്രൊഫഷണല് ഫുട്ബോളര് ചെയ്യുന്ന കാര്യങ്ങളാണ് താനും ചെയ്തതെന്നും സിഫ്നിയോസ് വ്യക്തമാക്കി.
ഇന്ത്യയില് ഈ വര്ഷം കൂടിയേ ഉണ്ടാകുവെന്നും ഈ സീസണു ശേഷം യൂറോപ്പിലേക്കു തന്നെ തിരികെ പോകുമെന്നും താരം വെളിപ്പെടുത്തി.
https://www.facebook.com/Malayalivartha