പ്ലേ ഓഫ് ലക്ഷ്യമിട്ട് കോപ്പലാശാന്റെ ജംഷഡ്പൂർ ഇന്നിറങ്ങുന്നു
ഐ.എസ്.എല്ലിൽ പ്ലേ ഓഫ് സാധ്യത സജീവമാക്കാൻ കോപ്പലാശാന്റെ ജംഷഡ്പൂർ ഇന്നിറങ്ങുന്നു. നോർത്ത് ഈസ്റ്റ് യുണൈറ്റഡാണ് എതിരാളികൾ. ജംഷഡ്പൂരിന്റെ ഹോം ഗ്രൗണ്ടായ ജെ.ആർ.ഡി ടാറ്റ സ്പോർട്സ് കോംപ്ലക്സിലാണ് മത്സരം നടക്കുന്നത്.
പോയിന്റ് പട്ടികയിൽ നാലാം സ്ഥാനത്തുള്ള ജംഷഡ്പൂരിനു ഇന്ന് ജയിച്ചാൽ പ്ലേ ഓഫ് സാധ്യതകൾ സജീവമാക്കാം. കഴിഞ്ഞ അഞ്ചു മത്സരങ്ങളിൽ നിന്ന് നാലും ജയിച്ചാണ് ജാംഷഡ്പൂർ ഇന്ന് ഇറങ്ങുന്നത്. അതെ സമയം കഴിഞ്ഞ മൂന്ന് മത്സരങ്ങളിൽ വിജയമറിയാതെയാണ് നോർത്ത് ഈസ്റ്റ് യുണൈറ്റഡ് ഇന്നത്തെ മത്സരത്തിനിറങ്ങുന്നത്.
നേരത്തെ ഇരു ടീമും ഏറ്റുമുട്ടിയപ്പോൾ മത്സരം സമനിലയിൽ കലാശിച്ചിരുന്നു. പോയിന്റ് പട്ടികയിൽ ജംഷഡ്പൂർ നാലാം സ്ഥാനത്താണ്. ഒൻപതാം സ്ഥാനത്തുള്ള നോർത്ത് ഈസ്റ്റിന്റെ പ്ലേ ഓഫ് പ്രതീക്ഷകൾ അവസാനിച്ച മട്ടാണ്.
https://www.facebook.com/Malayalivartha