ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ യുണൈറ്റഡിന് പരാജയ്. കുഞ്ഞന്മാരായ ബ്രൈറ്റണ്‍ 3-1 എന്ന സ്‌കോറിനാണ് യുണൈറ്റഡിനെ വീഴ്ത്തിയത്.

പ്രീമിയര്‍ ലീഗ് സീസണിലെ ആദ്യ അഞ്ച് മത്സരങ്ങളില്‍ നിന്ന് റെഡ് ഡെവിള്‍സിന് ഇതോടെ മൂന്ന് തോല്‍വികളായി. തുടര്‍ച്ചയായ രണ്ട് ഹോം പരാജയങ്ങളോടെ വെറും ആറ് പോയിന്റുമായി ലീഗ് പട്ടികയില്‍ ബഹുദൂരം പിന്നിലാണ് യുണൈറ്റഡ്. ഡാനി വെല്‍ബെക്ക്(20'), പാസ്‌കല്‍ ഗ്രോസ്(53'), ഡെ ജീസസ് ജാവോ പെഡ്രോ(71') എന്നിവരാണ് ബ്രൈറ്റണിനായി സ്‌കോര്‍ ചെയ്തത്. ഹാനിബാല്‍ മെയ്ബ്രി 73-ാം മിനിറ്റില്‍ യുണൈറ്റഡിന്റെ ആശ്വാസ ഗോള്‍ നേടി.


ആദ്യ പകുതിയില്‍ തന്നെ ലീഡ് വഴങ്ങിയ യുണൈറ്റഡ് മൂന്നാം ഗോളും വഴങ്ങിയതോടെ, മത്സരം അവസാനിക്കുന്നതിന് മുമ്പുതന്നെ ആരാധകരെല്ലാം പോയികഴിഞ്ഞിരുന്നു.