ചരിത്രം കുറിച്ച് ഇന്ത്യയുടെ  ഹര്‍ഡില്‍സ് താരം  വിത്യ രാംരാജ്.... 39 വര്‍ഷം പഴക്കമുള്ള പി ടി ഉഷയുടെ ദേശീയ റെക്കോഡിനൊപ്പമെത്തി ഇരുപത്തിനാലുകാരി .

ഏഷ്യന്‍ ഗെയിംസ് 400 മീറ്ററില്‍ വെങ്കലം നേടി വിത്യ രാംരാജ് . 4-400 മിക്സഡ് റിലേയില്‍ വെള്ളി നേടിയ ടീമിലും അംഗമാണ് ഈ മിടുക്കി.

ഹാങ്ചൗവില്‍ 55.68 സെക്കന്‍ഡിലാണ് മൂന്നാമതെത്തിയത്. ഹീറ്റ്സിലായിരുന്നു ഉഷയുടെ റെക്കോഡിന് ഒപ്പമെത്തിയ പ്രകടനം-55.42 സെക്കന്‍ഡ്.

ചണ്ഡീഗഢില്‍ നടന്ന അഞ്ചാമത് ഗ്രാന്‍പ്രി മീറ്റില്‍ തന്നെ വിത്യ സൂചന നല്‍കിയിട്ടുണ്ടായിരുന്നു. അന്ന് നേരിയ വ്യത്യാസത്തിനാണ് റെക്കോഡ് അകന്നത്. 1984 ലോസ് ഏഞ്ചല്‍സ് ഒളിമ്പിക്സിലാണ് ഉഷ 55.42 സെക്കന്‍ഡ് കുറിച്ചത് അന്ന് സെക്കന്‍ഡിന്റെ നൂറില്‍ ഒരംശത്തിന് ഒളിമ്പിക്സ് വെങ്കല മെഡല്‍ ഉഷയ്ക്ക് നഷ്ടമായി.

ഹാങ്ചൗവില്‍ ബഹ്റൈനിന്റെ ഒലുവക്കെമി മുജീത് ആദികോയ 54.45 സെക്കന്‍ഡില്‍ ഗെയിംസ് റെക്കോഡോടെ ചാമ്പ്യനായി. ചൈനയുടെ മോ ജിയാദിയെ 55.01 സെക്കന്‍ഡില്‍ രണ്ടാമതായി. വിത്യയുടെ അടുത്ത ലക്ഷ്യം പാരിസ് ഒളിമ്പിക്സാണ്.