സംസ്ഥാന സ്കൂള് കായികോത്സവത്തില് ദേശീയ റെക്കോഡിനെക്കാള് മികച്ച പ്രകടനവുമായി വി എസ് അനുപ്രിയ
സംസ്ഥാന സ്കൂള് കായികോത്സവത്തില് ദേശീയ റെക്കോഡിനെക്കാള് മികച്ച പ്രകടനവുമായി കാസര്കോട് ഉദിനൂര് ഗവ. ഹയര് സെക്കന്ഡറി സ്കൂളിലെ വി എസ് അനുപ്രിയ.
സീനിയര് പെണ്കുട്ടികളുടെ ഷോട്ട്പുട്ടില് 16.15 മീറ്ററാണ് താണ്ടിയത്. 2018ല് തിരുവനന്തപുരം സായിയുടെ മേഘ മറിയം മാത്യു സ്ഥാപിച്ച 14.91 മീറ്റര് ദൂരം മറികടന്ന് റെക്കോഡിട്ടു. ഈയിനത്തിലെ ദേശീയ ദൂരം 16 മീറ്ററില് താഴെയാണ്.
രണ്ടാംദിനത്തിലെ ഏക റെക്കോഡാണ്. 43 ഇനങ്ങള് പൂര്ത്തിയായപ്പോള് ആകെ മൂന്ന് റെക്കോഡേയുള്ളു. പ്ലസ് വണ് വിദ്യാര്ഥിനിയായ അനുപ്രിയ ജൂനിയര് കോമണ്വെല്ത്ത് ഗെയിംസിലും ഏഷ്യന് യൂത്ത് ചാമ്പ്യന്ഷിപ്പിലും ഇന്ത്യക്കായി വെങ്കലമെഡല് കരസ്ഥമാക്കി.
പാലക്കാട് മാത്തൂര് സിഎഫ്ഡി എച്ച്എസ്എസിലെ പി അഭിരാമും ഗവ. മോയന് ഗേള്സ് ഹയര്സെക്കന്ഡറി സ്കൂളിലെ ജി താരയും 100 മീറ്റര് ജയിച്ച് വേഗക്കാരായി.
"
പാലക്കാട് ഓവറോള് കിരീടത്തിനായുള്ള കുതിപ്പ് വേഗത്തിലാക്കി. 11 സ്വര്ണമടക്കം 92 പോയിന്റാണ് നേടിയത്. 71 പോയിന്റുമായി പിന്നാലെ മലപ്പുറമുണ്ട്.
https://www.facebook.com/Malayalivartha