കാലിക്കറ്റ് സര്‍വകലാശാല മുന്‍ അത് ലറ്റിക് കോച്ച് എസ്. എസ്. കൈമള്‍ (ശിവശങ്കര്‍ കൈമള്‍) അന്തരിച്ചു....
കാലിക്കറ്റ് സര്‍വകലാശാല മുന്‍ അത് ലറ്റിക് കോച്ച് എസ്. എസ്. കൈമള്‍ (ശിവശങ്കര്‍ കൈമള്‍) അന്തരിച്ചു.82 വയസായിരുന്നു. പാലക്കാട് സ്വദേശിയായ അദ്ദേഹം കൊച്ചിയിലെ മകന്റെ വീട്ടില്‍ വച്ചാണ് അന്തരിച്ചത്.
1970 മുതല്‍ 2003 വരെ സര്‍വകലാശാലയില്‍ പരിശീലകനായിരുന്നു എസ് എസ് കൈമള്‍. അന്താരാഷ്ട്ര പ്രശസ്തരായ പി ടി ഉഷ, എം ഡി വത്സമ്മ, മേഴ്സിക്കുട്ടന്‍, അഞ്ജു ബോബി ജോര്‍ജ് തുടങ്ങിയവരുടെയൊക്കെ പരിശീലകനായിരുന്നു അദ്ദേഹം.
അത്ലറ്റിക്സില്‍ കാലിക്കറ്റ് സര്‍വകലാശാല ഏറ്റവും കൂടുതല്‍ ഇന്റര്‍യൂണിവേഴ്സിറ്റി കിരീടങ്ങള്‍ നേടിയത് ഇദ്ദേഹത്തിന്റെ കാലത്താണ് . സര്‍വകലാശാല കായിക പഠനവകുപ്പ് മേധാവിയായിരുന്ന ഇദ്ദേഹം വിരമിച്ച ശേഷവുംസര്‍വകലാശാലാ അത്ലറ്റിക്സ്, ക്രോസ് കണ്‍ട്രി ടീമിനൊപ്പം അഖിലേന്ത്യാ അന്തര്‍സര്‍വകലാശാലാ ചാമ്പ്യന്‍ഷിപ്പുകള്‍ക്ക് മുഖ്യപരിശീലകനായി സേവനം അനുഷ്ഠിച്ചു.
കാലിക്കറ്റ് യൂണിവേഴ്‌സിറ്റിയില്‍ നിന്ന് ഡപ്യൂട്ടി രജിസ്ട്രാറായി വിരമിച്ച കെ ശാന്ത കുമാരിയാണ് ഭാര്യ.നേവി ക്യാപ്റ്റന്‍ സന്തോഷ്,സൗമി എന്നിവര്‍ മക്കളാണ്. പാലക്കാട് ചുണ്ണാമ്പു തറയിലാണ് വീട്. സംസ്‌കാരം ഇന്ന് പാലക്കാട് നടക്കും.
"
https://www.facebook.com/Malayalivartha
