സൂപ്പർ പോരാട്ടത്തിൽ കപ്പ് നിലനിർത്തി ചാമ്പ്യൻമാരായ പിഎസ്ജി. ഓസ്ട്രിയയിലെ സാൽസ്‌ബുർഗ്‌ റെഡ്‌ബുൾ അരീനയിൽ നടന്ന യുവേഫ സൂപ്പർ കപ്പ് പോരാട്ടത്തിൽ ആസ്റ്റൺ വില്ലയെ 2-1ന് തോൽപ്പിച്ചാണ് പിഎസ്ജി തുടർച്ചയായ രണ്ടാം കിരീടം സ്വന്തമാക്കിയത്. ഇരുപതാം മിനിറ്റിൽ തന്നെ പിഎസ്ജി കളിയിൽ ആധിപത്യമുറപ്പിച്ചു.

ഖ്വിച ക്വരാത്‌സ്‌ഖേലിയയാണ് തകർപ്പൻ ​ഗോൾ നേടിയത്. എന്നാൽ ആദ്യപകുതിയിൽ തന്നെ ആസ്റ്റൺ വില്ല സമനില പിടിച്ചു. 45ാം മിനിറ്റിൽ 17കാരനായ ബ്രയാൻ മാഡ്ജോയാണ് വില്ലയുടെ സമനില ​ഗോൾ നേടിയത്. യുവേഫ സൂപ്പർ കപ്പിൽ ഗോൾ നേടുന്ന ഏറ്റവും പ്രായം കുറഞ്ഞ താരമായി ബ്രയാൻ. 46ാം മിനിറ്റിൽ ഫ്രഞ്ച് സൂപ്പർതാരം ഉസ്‌മാൻ ഡെംബലെ കളത്തിലിറങ്ങി. 61ാം മിനിറ്റിലാണ് പിഎസ്ജിയുടെ വിജയ​ഗോൾ പിറന്നത്. ഡെസിറെ ഡൂവെയാണ് ​ഗോൾ നേടിയത്. പിഎസ്ജിയുടെ ആദ്യ ​ഗോളിന് പിന്നിലും ഡൂവെയായിരുന്നു. പിന്നാലെ വില്ല ആക്രമണം കടുപ്പിച്ചെങ്കിലും ​ഗോൾ വിട്ടുനിന്നു.പരിശീലകൻ ലൂയിസ്‌ എൻറിക്വെയുടെ കീഴിൽ പിഎസ്ജിയുടെ 13-ാം കിരീടമാണിത്.