മുടി പിളരുന്നത്‌ തടയാം
പെണ്‍കുട്ടികള്‍ നേരിടുന്ന പ്രശ്‌നമാണ്‌ മുടിയുടെ അഗ്രം പിളരുക എന്നത്‌. മുടി പിളര്‍ന്നു പോകാതിരിക്കാന്‍ ചില കരുതലുകള്‍ നല്ലതാണ്‌.
തല തുവര്‍ത്തുമ്പോള്‍ ശക്‌തിയായി ഉലയ്‌ക്കാതെ ടവ്വല്‍ കൊണ്ട് മുടി പൊതിഞ്ഞു പിഴിഞ്ഞു വെള്ളം കളയുക. എന്നിട്ട്‌ മുടി നിവര്‍ത്തിയിട്ട്‌ നന്നായി ഉണക്കണം. ഉണങ്ങും മുന്‍പ്‌ മുടി ചീകരുത്‌.
അഗ്രം പിളരുന്ന മുടിയുള്ളവര്‍ 6-8 ആഴ്‌ച കൂടുമ്പോള്‍ മുടിയുടെ തുമ്പു വെട്ടാന്‍ ശ്രദ്ധിക്കണം.
ഷാംപൂ ചെയ്ത ശേഷം അകന്ന പല്ലുള്ള ചീപ്പുകൊണ്ട്‌ മുടിയുടെ തുടക്കം തൊട്ട്‌ അറ്റം വരെ ചീവുക.
ഷാംപൂ ചെയ്യുന്ന സമയത്ത്‌ മുടി മുഴുവനെടുത്ത്‌ തലയ്‌ക്കു മുകളില്‍ പുരട്ടി വയ്‌ക്കുന്നതു നല്ലതല്ല. ഇതു മുടി കെട്ടുപിണയാനും പൊട്ടിപോകാനും കാരണമാകും. താഴേക്കു കിടക്കുന്ന മുടിയില്‍ ഷാംപൂ മെല്ലേ തേച്ചു പിടിപ്പിക്കുന്നതാണ്‌ നല്ലത്‌.
ഇലക്കറികള്‍, സോയ, പീസ്‌, ഗോതമ്പ്‌ എന്നിവ ധാരാളം കഴിക്കുക. ഇതിലടങ്ങിയിട്ടുള്ള ഫോളിക്ക്‌ ആസിഡും ബയോട്ടിനും മുടിയുടെ ആരോഗ്യം വര്‍ധിപ്പിക്കും.
മുടി ചീവുമ്പോഴും ശ്രദ്ധിക്കണം. ആദ്യം മുടിയുടെ അറ്റത്തു ചീവിയിട്ടു നടുഭാഗത്തേക്കു വരണം. പിന്നീട്‌ തലയോട്ടി മുതല്‍ താഴേക്ക്‌ ചീവാം.
https://www.facebook.com/Malayalivartha
