ലോകനാടകത്തിലെ അതികായന് എഡ്വേര്ഡ് ആല്ബി അന്തരിച്ചു.
വിഖ്യാത അമേരിക്കന് നാടകകൃത്തും മൂന്നു തവണ പുലിറ്റ്സര് പുരസ്കാര ജേതാവുമായ എഡ്വേര്ഡ് ആല്ബി അന്തരിച്ചു. 88 വയസ്സായിരുന്നു.ന്യൂയോര്ക്കിലെ ലോങ്ങ് ഐലണ്ടിലെ വീട്ടില് വെള്ളിയാഴ്ചയായിരുന്നു അന്ത്യം.
1962ല് ബ്രോഡ് വേയില് അവതരിപ്പിച്ച 'ഹൂ ഈസ് അഫ്രൈഡ് ഓഫ് വിര്ജിനിയ വൂള്ഫ്' ആണ് ആല്ബിയുടെ ശ്രദ്ധേയമായ കൃതി. കുടുംബ ബന്ധങ്ങളുടെ അസംബന്ധതകള് ഹാസ്യാത്മകമായി ആവിഷ്കരിക്കുന്ന രചനയാണ് ഇത് .
1966ല് 'ഹൂ ഈസ് അഫ്രൈഡ് ഓഫ് വിര്ജിനിയ വൂള്ഫ്' ഹോളിവുഡ് ചലച്ചിത്രമായി. ചിത്രത്തിലെ അഭിനയത്തിന് എലിസബത്ത് ടെയ്ലര്ക്ക് മികച്ച നടിക്കുള്ള ഓസ്കര് പുരസ്കാരവും ലഭിച്ചു.
ഇരുപത്തഞ്ചോളം നാടകങ്ങള് എഡ്വേര്ഡ് ആല്ബി രചിച്ചിട്ടുണ്ട്. ഇവയില് ഏറെയും വിമര്ശനങ്ങളും കൈയ്യടികളും ഒരുപോലെ നേടിയവയാണ്. തന്റെ ആറാം വയസ്സില് തന്നെ താനൊരു എഴുത്തുകാരനാകുമെന്ന് അറിയാമായിരുന്നു എന്ന് ആല്ബി പിന്നീട് പറഞ്ഞിട്ടുണ്ട്. തനിക്ക് ഒരു നല്ല കവിയോ, നോവലിസ്റ്റോ ആകാന് കഴിയില്ലെന്ന ബോധ്യമായിരുന്നു ഇതിനു പിന്നിലെന്നും അദ്ദേഹം പറഞ്ഞിരുന്നു. അമേരിക്കയിലെ ഏറ്റവും മികച്ച നാടകകൃത്തുക്കളായ ടെന്നസീ വില്യംസ്, ആര്തര് മില്ലര്, യൂജിന് ഒനീല് എന്നിവരുടെ ഗണത്തിലാണ് ആല്ബിയും പരിഗണിക്കപ്പെടുന്നത്.
1967, 1975, 1991 വര്ഷങ്ങളില് എഡ്വേര്ഡ് ആല്ബി പുലിറ്റ്സര് പുരസ്കാരം നേടിയിട്ടുണ്ട്. അദ്ദേഹത്തിന്റെ എ ഡെലിക്കേറ്റ് ബാലന്സ്, സീസ്കേപ്, ത്രീ ടോള് വുമണ് എന്നീ നാടകങ്ങളാണ് പുലിസ്റ്റര് െ്രെപസിന് അര്ഹമായത് . 2002ല് അമേരിക്കന് തീയറ്റര് പുരസ്കാരമായ ടോണി ആവാര്ഡും അദ്ദേഹം നേടി. 2005ല് സമഗ്ര സംഭാവനക്കുള്ള ടോണി അവാര്ഡും ആല്ബിക്ക് ലഭിച്ചിരുന്നു.
ആധുനിക ജീവിതത്തിന്റെ യുക്തിരാഹിത്യങ്ങളെയും സങ്കീര്ണതകളെയും ആവിഷ്കരിക്കുന്നതായിരുന്നു എഡ്വേര്ഡ് ആല്ബിയുടെ നാടകങ്ങള്. കുടുംബം, വിവാഹം, മതം തുടങ്ങി അമേരിക്കന് ജീവിതത്തിന്റെ വ്യത്യസ്ത തലങ്ങളെ ആ നാടകങ്ങള് വിമര്ശനവിധേയമാക്കി.
https://www.facebook.com/Malayalivartha
