കര്‍ഷകര്‍ ദുരിതത്തില്‍... പഴവൂരില്‍ കാട്ടുപന്നികള്‍ കൃഷി നശിപ്പിക്കുന്നു. സമീപത്തെ വനപ്രദേശത്തു നിന്ന് ഇറങ്ങിവരുന്ന കാട്ടുപന്നികള്‍ പറമ്പുകളില്‍ കൃഷിചെയ്യുന്ന വാഴകള്‍, കിഴങ്ങുവര്‍ഗങ്ങള്‍ എന്നിവയാണ് നശിപ്പിക്കുന്നത്.


പഴവൂര്‍ തെക്കേക്കരയില്‍ വാരിയങ്കാട്ടില്‍ ശശിധരന്റെ ചെങ്ങാലിക്കോടന്‍ നേന്ത്രവാഴ തോട്ടത്തിലെ 15 കുലച്ച വാഴകള്‍ പന്നിക്കൂട്ടം കുത്തിമറിച്ച് നശിപ്പിച്ചു.

മുമ്പും പല തവണ ഈ വാഴത്തോട്ടത്തില്‍ പന്നികള്‍ കയറി വാഴകള്‍ നശിപ്പിച്ചിട്ടുണ്ട്. കാട്ടുപന്നികളെ നിയന്ത്രിക്കാനായി നടപടി വേണമെന്ന കര്‍ഷകരുടെ പരാതി വനം വകുപ്പ് അവഗണിക്കുകയാണെന്നാണ് കര്‍ഷകര്‍ പരാതിപ്പെടുന്നത്.