ഇന്ധന വിലയില്‍ ഇന്നും വര്‍ധനവ്. സംസ്ഥാനത്ത് ഡീസല്‍ വിലയില്‍ ഇന്ന് 16 പൈസയുടെ വര്‍ധനവാണ് ഉണ്ടായത്. പെട്രേള്‍ ലിറ്ററിന് ആറ് പൈസയാണ് വര്‍ധിച്ചത്. ഇന്നലെ ഡീസലിന് 11 പൈസയും പെട്രോളിന് ആറ് പൈസയും കൂടിയിരുന്നു.ഡീസലിന് ഒന്‍പത് ദിവസം കൊണ്ട് ഒരു രൂപ 27 പൈസയാണ് കൂടിയത്. കൊച്ചിയില്‍ ഇന്ന് ഒരു ലിറ്റര്‍ ഡീസലിന്റെ വില 70 രൂപ 95 പൈസയായി. പെട്രോള്‍ വില 76 രൂപ 69 പൈസ.

തിരുവനന്തപുരത്ത് പെട്രോളിന് 78 രൂപ 19 പൈസയാണ്. ഡീസലിന് 72 രൂപ 35 പൈസ. കോഴിക്കോട് പെട്രോളിന് 77 രൂപ 16 പൈസ. ഡീസല്‍ 71 രൂപ 30 പൈസ.