ഓഹരി വിപണിയില്‍ നേട്ടം.... നിഫ്റ്റി 16,700ഉം സെന്‍സെക്സ് 56,000വും മറികടന്നു. സെന്‍സെക്സ് 390.28 പോയന്റ് നേട്ടത്തില്‍ 56,072.23ലും നിഫ്റ്റി 114.20 പോയന്റ് ഉയര്‍ന്ന് 16,719.50ലുമാണ് വ്യാപാരം അവസാനിപ്പിച്ചത്.


വിദേശ നിക്ഷേപകരുടെ തിരിച്ചുവരവും മികച്ച ത്രൈമാസ ഫലങ്ങളുമാണ് സൂചികകളെ ചലിപ്പിച്ചത്. അള്‍ട്രടെക് സിമെന്റ്സ്, ഗ്രാസിം ഇന്‍ഡസ്ട്രീസ്, യുപിഎല്‍, എച്ച്ഡിഎഫ്സി ബാങ്ക് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. രൂപയുടെ മൂല്യത്തില്‍ 10 പൈസയുടെ വര്‍ധനവുണ്ടായി.

ഡോളറിനെതിരെ 79.85 നിലവാരത്തിലായിരുന്നു ക്ലോസിങ്. ടാറ്റ കണ്‍സ്യൂമര്‍ പ്രൊഡക്ട്സ്, ഇന്‍ഫോസിസ്, എന്‍ടിപിസി, പവര്‍ഗ്രിഡ് കോര്‍പ്, ജെഎസ്ഡബ്ല്യു സ്റ്റീല്‍ തുടങ്ങിയ ഓഹരികള്‍ നഷ്ടം നേരിട്ടു. സെക്ടറല്‍ സൂചികകളില്‍ നിഫ്റ്റി ബാങ്ക് ഒരുശതമാനവും പവര്‍, ഐടി സൂചികകള്‍ 0.5-1ശതമാനവും ഉയര്‍ന്നു.

ബിഎസ്ഇ മിഡ്ക്യാപ് സൂചിക നഷ്ടത്തിലും സ്മോള്‍ ക്യാപ് സൂചിക നേട്ടത്തിലുമാണ് വ്യാപാരം അവസാനിപ്പിച്ചത്.