ഓഹരി വിപണിയില്‍ നഷ്ടത്തോടെ തുടക്കം.... സെന്‍സെക്സ് 250 പോയന്റ് താഴ്ന്ന് 58,869ലും നിഫ്റ്റി 57 പോയന്റ് നഷ്ടത്തില്‍ 17,572ലുമാണ് വ്യാപാരം
നിഫ്റ്റി 17,600ന് താഴെയെത്തി. കേന്ദ്ര ബാങ്കുകള്‍ തുടര്‍ച്ചയായി നിരക്ക് വര്‍ധിപ്പിക്കുന്നതിനാല്‍ ആഗോളതലത്തില്‍ സൂചികകളില്‍ ദുര്‍ബലാവസ്ഥയില്‍ നില്‍ക്കുകയാണ്.

സെക്ടറല്‍ സൂചികകളില്‍ ചാഞ്ചാട്ടം പ്രകടമാണ്. നിഫ്റ്റി ബാങ്ക്, എനര്‍ജി സൂചികകള്‍ ഒരുശതമാനത്തോളം നഷ്ടത്തിലാണ്. മീഡിയ, ഫാര്‍മ സൂചികകള്‍ നേട്ടത്തിലുമാണ് വ്യാപാരം നടക്കുന്നത്.

എച്ച്ഡിഎഫ്സി ബാങ്ക്, എച്ച്ഡിഎഫ്സി, ടെക് മഹീന്ദ്ര, ഇന്‍ഡസിന്‍ഡ് ബാങ്ക്, ടാറ്റ മോട്ടോഴ്സ് തുടങ്ങിയ ഓഹരികള്‍ നഷ്ടത്തിലാണ്. ടാറ്റ സ്റ്റീല്‍, സിപ്ല, ഹീറോ മോട്ടോര്‍കോര്‍പ് തുടങ്ങിയ ഓഹരികള്‍ നേട്ടത്തിലുമാണ്.