ഓഹരി വിപണിയില്‍ നഷ്ടത്തോടെ തുടക്കം.... സെന്‍സെക്സ് 103 പോയന്റ് നഷ്ടത്തില്‍ 58,118ലും നിഫ്റ്റി 25 പോയന്റ് താഴ്ന്ന് 17,306ലുമാണ് വ്യാപാരം നടക്കുന്നത്.

ബിപിസിഎല്‍, ഹിന്‍ഡാല്‍കോ ഇന്‍ഡസ്ട്രീസ്, ടാറ്റ മോട്ടോഴ്സ്, ഇന്‍ഡസിന്‍ഡ് ബാങ്ക്, ഒഎന്‍ജിസി, എസ്ബിഐ, ടാറ്റ സ്റ്റീല്‍, ഐസിഐസിഐ ബാങ്ക്, കോള്‍ ഇന്ത്യ, എച്ച്ഡിഎഫ്സി ബാങ്ക് തുടങ്ങിയ ഓഹരികളാണ് നഷ്ടത്തിലുള്ളത് .ഏഷ്യന്‍ വിപണികളും നഷ്ടത്തിലാണ്.

ടൈറ്റാന്‍ കമ്പനി, ഹീറോ മോട്ടോര്‍കോര്‍പ്, മാരുതി സുസുകി, എച്ച്സിഎല്‍ ടെക്, ബജാജ് ഓട്ടോ, യുപിഎല്‍, റിലയന്‍സ് ഇന്‍ഡസ്ട്രീസ്, ടെക് മഹീന്ദ്ര തുടങ്ങിയ ഓഹരികള്‍ നേട്ടത്തിലുമാണ്. വിദേശ നിക്ഷേപ സ്ഥാപനങ്ങള്‍ വീണ്ടും വാങ്ങലുകാരായി. 279.01 കോടി രൂപ മൂല്യമുള്ള ഓഹരികളാണ് കഴിഞ്ഞ ദിവസം ഇവര്‍ വാങ്ങിയത്. ആഭ്യന്തര നിക്ഷേപ സ്ഥാപനങ്ങളാകട്ടെ 43.92 കോടി രൂപയുടെ ഓഹരികള്‍ വിറ്റഴിക്കുകയും ചെയ്തു.

രൂപയുടെ മൂല്യം റെക്കോഡ് തകര്‍ച്ച നേരിട്ടു. ഡോളറിനെതിരെ 82.22 നിലവാരത്തിലാണ് രാവിലെ വ്യാപാരം തുടങ്ങിയത്. മിക്കവാറും സെക്ടറല്‍ സൂചികകള്‍ നഷ്ടത്തിലാണ്. നിഫ്റ്റി പൊതുമേഖല ബാങ്ക് സൂചിക ഒരു ശതമാനത്തിലേറെ താഴന്നാണ് വ്യാപാരം നടക്കുന്നത്. മിഡ്ക്യാപ്, സമോള്‍ ക്യാപ് സൂചികകളും നേരിയ നഷ്ടത്തിലാണ്.